ఇండియాకు రానున్న ఫోక్స్‌వ్యాగన్ చౌక కారు 'అప్'

ప్రస్తుతం భారత్‌లో ఫోక్స్‌వ్యాగన్ అందిస్తున్న ఎంట్రీ-లెవల్ చిన్న కారు 'పోలో'. అర్బన్ ఏరియాల్లో నివసిస్తున్న ప్రజల అవసరాలను తీర్చిదిద్దేలా ఫోక్స్‌వ్యాగన్ అప్ కారును కంపెనీ రూపొందించింది. ఈ కారు 3.54 మీటర్లు పొడువును మరియు 1.64 మీటర్ల వెడల్పును కలిగి ఉంటుంది. ఇది మూడు డోర్లు మాత్రమే కలిగిన అయినప్పటికీ.. ఇందులో నలుగురు ప్రయాణీకులు ప్రయాణించవచ్చు. అయితే, ఇండియాలో విడుదల చేసే అప్ కారు నాలుగు డోర్లను కలిగి ఉండే అవకాశం ఉంది.

ముందువైపు ఇంజన్, ఫ్రంట్-వీల్ డ్రైవ్ కలిగిన ఫోక్స్‌వ్యాగన్ అప్ 1-లీటర్ 3-సిలిండర్ పెట్రోల్ ఇంజన్‌తో 59 బిహెచ్‌పిల శక్తిని మరియు 74 ఎన్మ్‌ల టార్క్‌ను ఉత్పత్తి చేస్తుంది. ఇందులో ఫైవ్-స్పీడ్ మ్యాన్యువల్ గేర్‌బాక్స్ లేదా సిక్స్-స్పీడ్ ఆటోమేటిక్ గేర్‌బాక్స్ ఆప్షన్‌తో లభించనుంది. అంతేకాదండోయ్ అప్ కారు లీటరుకు 23 కిలోమీటర్ల మైలేజీనివ్వనున్నట్లు సమాచారం. భారత్‌లో మారుతి సుజుకి ఆల్టో, వ్యాగన్ఆర్, హ్యుందాయ్ ఐ10, చెవర్లే బీట్ వంటి కార్లకు పోటీగా నిలువనుంది.