రాష్ట్ర మార్కెట్లో ఎస్60 లగ్జరీ కారును విడుదల చేసిన వోల్వో

Published: Thursday, March 17, 2011, 11:36 [IST]

గత వారం దేశీయ మార్కెట్లో విడుదలైన వోల్వో లగ్జరీ కారు "ఎస్60" రాష్ట్ర మార్కెట్లోకి ప్రవేశించింది. డీజిల్ వెర్షన్‌లో లభ్యమయ్యే డీ5 కినెటిక్ ధర రూ.27 లక్షలు గానూ, డీ5 సమ్మమ్ ధరను రూ.32 లక్షలు గాను.. అలాగే, పెట్రోల్ వెర్షన్ టీ6 సమ్మమ్ రూ.34 లక్షలుగాను నిర్ణయించినట్లు కంపెనీ పేర్కొంది. పెట్రోల్ వెర్షన్ టీ6 కారు 9.8 కిలోమీర్ల మైలేజ్‌ను, డీజిల్ వెర్షన్ డీ5 కారు 14.1 కిలోమీటర్ల మైలేజ్‌ను ఇస్తుందని కంపెనీ తెలిపింది. ఎస్60 డిజైన్, భద్రత, సాంకేతిక విభాగాల్లో అదనపు సౌకర్యాలు పొందుపరిచినట్టు వోల్వో ఎండి పౌల్‌ డి వాయిజ్స్ వివరించారు.

వోల్వో ఎస్60 కారు 35 కిలోమీటర్ల వేగాన్ని మించనప్పుడు పాదచారులు అకస్మాత్తుగా అడ్డు వస్తే, కారు దానంతట అదే ఆగిపోతుందని ఆయన తెలిపారు. ఎక్కువ వేగంలో ఉన్నప్పుడు ముందున్న వాహనాలకు సంబంధించి ఎప్పటికప్పుడు డ్రైవర్‌కు సందేశాలు అందజేసే వ్యవస్థ ఇందులో ఉందని ఆయన తెలిపారు. హైదరాబాద్‌లో ఏడాదిన్నరలో 100 వోల్వో కార్లు విక్రయించినట్లు, ఈ ఏడాది 150-200 అమ్ముతామనే అంచనా ఉందని తల్వార్‌ కార్స్‌ డైరెక్టర్‌ సాకేత్‌ తల్వార్‌ చెప్పారు. ఎస్‌- 60 మోడల్‌ కార్లు ఇప్పటికి 16 బుక్‌ అయ్యాయన్నారు.

Article Published On: Thursday, March 17, 2011, 11:36 [IST]

English summary

The Indian market has got one more luxury vehicle in the form of Volvo’s S60 sedan at the price tag of Rs2.7 million and the company intends to expand its strength in the growing market for premium vehicles. The company will commence the sale from this month with three variants of which the costliest will be for Rs3.4 million.

More from DriveSpark