ఐ-షిఫ్ట్ టెక్నాలజీ బస్సును ప్రవేశపెట్టిన వోల్వో

Published: Thursday, March 10, 2011, 15:27 [IST]

విలాసవంతమైన బస్సులను తయారు చేయడంలో వోల్వో తనకంటూ ఓ ప్రత్యేకతను సంతరించుకుంది. అంతేకాకుండా తొలిసారిగా ఓ హైబ్రిడ్ బస్సును రూపొందించిన ఘనత కూడా ఒక్క ఓల్వోకే దక్కనుంది. మల్టీ యాక్సిల్ వెహికిల్‌తో భారత్‌లో బహుళ ప్రాచుర్యం పొందిన వోల్వో అత్యాధునిక ఐ-షిఫ్ట్ టెక్నాలజీతో తయారు చేసిన "వోల్వో 9400 ఎక్స్‌ఎల్" మోడల్‌ను హైదరాబాద్‌లో జరుగుతున్న రెండవ అంతర్జాతీయ బస్సులు, ప్రత్యేక వాహనాల ప్రదర్శనలో తొలిసారిగా ఈ మోడల్‌ను ప్రదర్శనకు ఉంచింది. 16 గేర్లతో బస్సులోపలి వాతవరణం విమానంలో ఉన్నంత అనుభవాన్ని ఇస్తుంది. ఇందుకోసం బస్సు సీట్లను ప్రత్యేకంగా విమానాల్లో ఉండే సీట్ల మాదిరిగా తీర్చిదిద్దారు.

గేరు మార్పిడిపై డ్రైవర్ దృష్టిని మరల్చి రోడ్డపై డ్రైవర్ ఏకాగ్రతను పెంచుకునే విధంగా ఇందులో గేర్లను ఆటోమేటిక్‌గా మారేలా రూపొందించారు. ఈ గేర్లలో 12 ముందుకు (ఫార్వార్డ్), 4 వెనకకు (రివర్స్) ఉంటాయి. గేర్లను మ్యాన్యువల్‌గా మర్చడం ఇష్టం లేనివారు ఆటోమేటిక్ మోడ్‌ను సెలక్ట్ చేసుకుంటే సరిపోతుంది. వేగం, రోడ్డు స్తితిగతులనుబట్టి ఆటోమేటిక్‌గా గేర్లు మారుతాయని వోల్వో పేర్కొంది. ఇంకా ఇందులో అల్లాయ్ వీల్స్, ఎలక్ట్రానికల్లీ కంట్రోల్డ్ సస్పెన్షన్, హైడ్రాలిక్ టెలిస్కోపిక్ టైప్ షాక్ అబ్‌సార్బర్స్, ట్యూబ్‌లెస్ టైర్స్, డిస్క్ బ్రేక్స్, 600 లీటర్ల ఇంధన సామర్థ్యం గల మూడు ట్యాంకులు ఉన్నాయి. కాగా ఈ బస్సులో 53 మంది ప్రయాణించవచ్చు. ఈ బస్‌లతో ఇంధనం కూడా ఆదా అవుతుందని వోల్వో బసెస్ ఇండియా ఎండీ ఆకాశ్ పస్సే తెలిపారు. ఇక దీని ధర విషయానికి వస్తే దాదాపు కోటి పైమాటే.

Article Published On: Thursday, March 10, 2011, 15:27 [IST]

English summary

Luxury bus maker Volvo Buses India unveiled all new multi-axle 'Volvo 9400 XL' at 2nd Bus & Special Vehicles Expo 2011 in Hitex, Hyderabad. This bus has developed with I-Shift technology. Volvo Buses India MD Akash Passey told the company planning was working at increasing capacity at the Hoskote plant near Bangalore from 600 buses to between 1,200 and 1,500 buses at an investment of Rs.200 crore.

More from DriveSpark