ఈ కారులో చోటు ఒక్కరికి మాత్రమే..!

కేవలం ఒక్కరికి మాత్రమే చోటు ఉండే ఓ సింగిల్ సీట్ జీరో ఎమిషన్ కారును ఫోక్స్ వ్యాగన్ అభివృద్ధి చేస్తోంది. త్వరలో జరగనున్న ఫ్రాంక్‌ఫర్ట్ ఆటో షోలో ఫోక్స్‌వ్యాగన్ ఈ సింగిల్ సీట్ కారును ప్రదర్శించనుంది. ప్రస్తుతం మార్కెట్లో ఈ విభాగంలో ఇంత వరకూ ఇలాంటి ఓ కారును ఏ కంపెనీ విడుదల చేయలేదు. మార్కెట్ వర్గాల సమాచారం ప్రకారం, ఈ కారు ధర 600 డాలర్లుగా ఉండొచ్చని అంచనా.

అంటే మన దేశ కరెన్సీలో సుమారు రూ. 30,000 వరకూ ఉంటుందన్నమాట. దీన్ని బట్టి చూస్తే.. ఓ టూ-వీలర్‌పై వెచ్చించే సొమ్ముతో ఈ బుజ్జి కారును సొంతం చేసుకోవచ్చు. పైగా ఎండ, వాన వంటి వాటి నుండి తప్పించుకొని హాయిగా ప్రయాణించవచ్చు. దీనికి సంబంధించిన పూర్తి సాంకేతిక వివరాలను ఫ్రాంక్ ఫర్ట్ ఆటో షోలో కంపెనీ అధికారికంగా వెల్లడించనుంది.