కంపెనీ యూనియన్ ఎన్నికలను బహిష్కరిస్తాం..: మారుతి వర్కర్లు

Published: Thursday, June 9, 2011, 14:10 [IST]

దేశపు అతిపెద్ద కార్ల ఉత్పత్తి సంస్థ మారుతి సుజుకి ఇండియా మానేసర్ ప్లాంటులోని వర్కర్లకు యాజమాన్యానికి మధ్య తలెత్తిన వివాదం చిలికి చిలికి గాలివానలా మారుతోంది. తమ డిమాండ్లను మారుతి యాజమాన్యం అంగీకరించకపోతే వచ్చే నెలలో జరగనున్న కంపెనీ యూనియన్ ఎన్నికల్లో తాము పాల్గొనబోమని సమ్మె చేస్తున్న వర్కర్లు తెలిపారు. కొత్తగా ఏర్పాటు చేసిన మారుతి సుజుకి ఎంప్లాయిస్ యూనియన్ (ఎమ్ఎస్ఈయూ) జనరల్ సెక్రటరీ శివ కుమార్ మాట్లాడుతూ.. తమ కోరికలను యాజమనాన్యం అంగీరించని పక్షంలో కంపెనీ చేపట్టే ఎలాంటి కార్యక్రమాల్లోనూ పాల్గొనబోమని తెలిపారు.

కార్మికుల పాత డిమాండ్లకు అదనంగా.. ఉద్యోగం నుంచి తొలగించిన 11 మంది వర్కర్లను తిరిగి తీసుకోవాలనే ప్రతిపాదనను చేర్చారు. మానేసర్ ప్లాంటుకు కొత్త యూనియన్ కావాలని, ప్రస్తుతం ఉన్న మారుతి ఉద్యోగ్ కామ్‌గర్ యూనియన్ (ఎమ్‌యూకేయూ)లో భాగంగా ఉండేందుకు తాము సిద్ధంగా లేమని కుమార్ తెలిపారు. తమ వెనుక ఎలాంటి రాజకీయ యూనియన్ లేదని, స్వతంత్రంగానే మానేసర్ ప్లాంటులో కొత్త యూనియన్ కోసం పోరాడుతున్నామని, తమ డిమాండ్లను యాజమాన్యం అంగీకరిస్తే వెంటనే ఈ సమ్మెను విరమిస్తామని కార్మికులు అంటున్నారు.

Article Published On: Thursday, June 9, 2011, 14:10 [IST]

English summary

Agitating workers at Maruti's Manesar plant said they will not participate at the company's upcoming union elections, in July if their proposed union is not recognised by the management.

More from DriveSpark