టాటా నానో రూపు రేఖలు మారనున్నాయి!

అయితే, ఆ తర్వాతి కాలంలో వివిధ కారణాల వల్ల దీని ధర పెరగడం, వినియోగదారుల అంచనాలను అందుకోలేక పోవడంతో దీనికి ఆదరణ తగ్గిపోయి అమ్మకాలు భారీగా పడిపోయాయి. దీంతో ప్రస్తుతం గుజరాత్‌లోని సనంద్ ప్లాంటులో టాటా నానో ఉత్పత్తి సగానికి తగ్గించడం జరిగింది.

ఈ నేపథ్యంలో ఈ చిన్న కారును ప్రస్తుతం మరింత శక్తివంతంగా, ఆకర్షనీయంగా, సౌకర్యవంతంగా తీర్చిదిద్ది 2012 టాటా నానో పేరుతో సరికొత్త మోడల్‌ను కంపెనీ ఆవిష్కరించింది. అయినప్పటికీ, టాటా నానో అంటే అదొక ఆటో/టాక్సీ భావన చాలా మంది ప్రజలు/విమర్శకుల్లో పాతుకుపోయింది.

దీనికి ప్రధానం కారణం, టాటా నానో యొక్క డిజైన్. ఈ కారు ఎంత సౌకర్యంగా ఉన్న దీని డిజైన్ పట్ల మాత్రం కొందరు వినియోగదారులు అసంతృప్తి వ్యక్తం చేస్తున్నారు. దీంతో టాటా నానో కారును రీడిజైన్ చేయాలని కంపెనీ యోచిస్తోంది. దీని రీడిజైనింగ్ పనిని నేషనల్ ఇన్స్టిట్యూట్ ఆఫ్ డిజైన్ (ఎన్ఐసి)కు అప్పగించాలని టాటా మోటార్స్ యోచిస్తోంది.

టాటా మోటార్స్ ఇప్పటి వరకూ సుమారు 1.30 యూనిట్లకు పైగా టాటా నానో కార్లను విక్రయించింది. విద్యార్థులు రూపొందించే వివిధ డిజైన్ల కోసం తమ నానో కారును ఎన్ఐడికు పంపించాలని కంపెనీ నిర్ణయించింది. ఈ విధంగా సేకరించిన డిజైన్లలో అత్యుత్తమమైన వాటిని ఎంపిక చేసి వాటిని టాటా నానోకు వర్తింప చేయాలని కంపెనీ యోచిస్తోంది. ఇది గనుక విజయవంతం అయితే, టాటా నానో రూపు రేఖలు మారిపోతాయన్నమాట.