టాటా నానో కొనుగోలుదారుల్లో మహిళలే అధికం!

దేశవ్యాప్తంగా మొత్తం టాటా నానో కార్లను కొనుగోలు చేసే వారిలో 10 శాతం మంది మహిళలు ఉన్నారని టాటా పేర్కొంది. భారత దేశంలో అమ్ముడయ్యే అన్ని కార్లలో కేవలం 2 శాతం మంది మాత్రమే మహిళలు కార్లను కొనుగోలు చేస్తున్నట్లు ఈ అధ్యయనంలో వెల్లడైంది.

నానా కారు ధర తక్కువగా ఉండటం, డ్రైవ్ చేయడానికి ఎంతో సౌకర్యంగా ఉండటం మరియు స్టైలిష్ లుక్‌ని కలిగి ఉండటం వలన ప్రధానంగా యువతులు నానో కార్లను ఆశ్రయిస్తున్నారని టాటా మోటార్స్ హెడ్ (నానో ప్రోడక్ట్ గ్రూప్) డెల్నా ఆవారీ తెలిపారు.

మరోవైపు మార్కెట్ మందగమనం కారణంగా పడిపోతున్న టాటా నానో అమ్మకాలను పెంచుకునేందుకు, ఈ కారుపై డౌన్‌‌పేమెంట్‌ను కంపెనీ రూ.15,000 లకు తగ్గించింది. మిగిలిన మొత్తాన్ని టాటా మోటార్స్ ఫైనాన్స్, ఎస్‌బిఐ, హెచ్‌డిఎఫ్‌సి వంటి వివిధ ఆర్థిక సంస్థల ద్వారా రుణ సదుపాయంతో చెల్లించే వెసలుబాటును కల్పించింది.