డిసెంబర్ నెలలో 29 శాతం పెరిగి టాటా నానో సేల్స్

Published: Monday, January 2, 2012, 11:21 [IST]

దేశీయ వాహన దిగ్గజం టాటా మోటార్స్‌ డిసెంబర్ నెల అమ్మకాలు ఫర్వాలేదనిపించాయి. గడచిన నెలలో కంపెనీ మొత్తం అమ్మకాలు 22 శాతం వృద్ధిని సాధించి 82,278 యూనిట్లుగా నమోదయ్యాయి. డిసెంబర్ 2010లో ఇవి 61,685 యూనిట్లుగా ఉన్నట్లు టాటా మోటార్స్ ఓ ప్రకటనలో పేర్కొంది.

డిసెంబర్ 2011లో దేశీయ మార్కెట్లో టాటా మోటార్స్ మొత్తం అమ్మకాలు (ప్యాసింజర్, వాణిజ్య వాహనాలు కలిపి) 24 శాతం వృద్ధిని నమోదు చేసుకొని 61,685 యూనిట్ల నుండి యూనిట్లకు పెరిగాయి. అయితే, డిసెంబర్ 2011 నెలలో ఎగుమతులు మాత్రం 5,809 యూనిట్ల నుండి 5,615 యూనిట్లకు పడిపోయాయి.

ఇదే సమయంలో ప్యాసింజర్ వాహనాల అమ్మకాలు 47 శాతం వృద్ధిని నమోదు చేసుకొని 19,973 యూనిట్ల నుండి 28,916 యూనిట్లకు పెరిగాయి. టాటా మోటార్స్ అందిస్తున్న బుజ్జి కారు టాటా నానో అమ్మకాలు డిసెంబర్ 2010 నెలతో పోలిస్తే, గడచిన నెలలో 29 శాతం వృద్ధి నమోదు చేసుకొని 7,466 యూనిట్లు అమ్ముడయ్యాయి. డిసెంబర్ 2010లో ఇవి 5,784 యూనిట్లుగా ఉన్నాయి.

Article Published On: Monday, January 2, 2012, 11:21 [IST]

English summary

Tata Motors' total sales (including exports) of Tata commercial and passenger vehicles in December 2011 were 82,278 vehicles, higher by 22% over December 2010. The company's domestic sales of Tata commercial and passenger vehicles for December 2011 were 76,663 nos., higher by 24% over 61,685 nos., sold in December last year.

More from DriveSpark