టాటా-ఫియట్ దోస్తీ కట్: సోలో రైడ్‌కు ఫియట్ సిద్ధం

ఇటలీకి చెందిన ఫియట్ 2007వ సంవత్సరంలో కార్ల పంపిణీ (డిస్ట్రిబ్యూషన్), సర్వీసింగ్‌ల కార్యకలాపాల కోసం టాటా మోటార్స్‌తో ఓ డీల్‌ను కుదుర్చుకుంది. ఇరు కంపెనీల మధ్య కుదిరిన ఈ 50:50 జాయింట్ వెంచర్ పంపిణీ భాగస్వామ్యంలో భాగంగా, టాటా మోటార్స్ వాహనాలను విక్రయించే స్థలంలోనే ఫియట్ తమ వాహనాలను కూడా విక్రయిస్తుంది. భారత్‌లో ఫియట్‌ బ్రాండ్‌ను మరింతగా విస్తరించేందుకు ఈ నిర్ణయం దోహదపడుతుందని ఫియట్ ఇండియా ఓ ప్రకటనలో పేర్కొంది.

ఇకపై తమ వాణిజ్య, డిస్ట్రిబ్యూషన్‌ కార్యకలాపాలను కొత్తగా ఏర్పాటు కానున్న ఫియట్‌ అనుబంధ కంపెనీ పర్యవేక్షిస్తుందని ఫియట్ తెలిపింది. అయితే, ఈ రెండు కంపెనీలు కలిసి ఇంజన్లు/కార్లను ఉత్పత్తి చేస్తున్నాయి. ఈ ఒప్పందం మాత్రం యధావిధిగా కొనసాగించేందుకు ఇరు కంపెనీలు అంగీకరించాయి. ఈ జాయింట్ వెంచర్ ఆశించినంతగా ఫలితాలను ఇవ్వటం లేదని టాటా మోటార్స్ చైర్మన్ రతన్ టాటా గతంలో వ్యాఖ్యానించిన సంగతి తెలిసిందే.