Click it and Unblock the Notifications
లీటరు ఇంధనానికి 248 కి.మీ. మైలేజీనిచ్చే 'లామినా' వండర్ కార్..!!
మీ కారు మైలేజ్ ఎంత ఇస్తుంది. మహా అయితే 10 కి.మీ. నుండి 20 కి.మీ వరకూ మైలేజిస్తుంది. అదే ఈ ఫోటోలో కనిపిస్తున్న కారు అయితే, ఏకంగా ఒక్క లీటర్ ఇంధనానికి 248 కి.మీ మైలేజీనిస్తుంది. ఏంటి నమ్మడం లేదా. మీరు నమ్మినా నమ్మకపోయినా ఇది నూటికి నూరుపాళ్లు నిజం.
కాలిఫోర్నియా పాలిటెక్నిక్ స్టేట్ యూనివర్సిటీకి చెందిన ఓ ఇంజనీర్ల బృందం సృష్టించిన అద్భుతమే ఈ 'లామినా' కారు. ఇది ఒక్క గ్యాలన్ (1 గ్యాలన్ = 3.78 లీటర్లు) డీజిల్తో 584 మైళ్ల (1 మైలు = 1.609344 కి.మీ, అంటే మొత్తం 939.9 కి.మీ.) దూరం ప్రయాణించి రికార్డు సృష్టించింది. టెక్సాస్లోని హౌస్టన్లో నిర్వహించిన షెల్ ఎకో-మారథాన్లో ఈ కారును పరిచయం చేయటం జరిగింది.
ఇందులో ఓ మోడిఫై చేసిన హోండా జనరేటర్ను ఉపయోగించారు. సన్నగా, పొడవుగా ఉండే ఈ కారులో డ్రైవర్కు మాత్రమే చోటు ఉంటుంది. తక్కువ బరువు ఉండేలా డిజైన్ చేసిన దీని ఏరోడైనమిక్స్ కారణంగా ఇంత అధిక మైలేజ్ను సాధించటం వీలవుతుందని ఇంజనీర్లు చెబుతున్నారు. మన కార్లు కూడా ఈ కారు మాదిరిగా ఇంత మైలేజ్నిస్తే ఎంచక్కా పెట్రోల్/డీజిల్ సమస్యను మర్చిపోవచ్చు. మీరేమంటారు..?
Continue with Google