Click it and Unblock the Notifications
ఇండియాలో 3,422 బిఎమ్డబ్ల్యూ కార్లు రీకాల్
జర్మన్ లగ్జరీ కార్ కంపెనీ బిఎమ్డబ్ల్యూ బ్యాటరీ కేబుల్ సమస్య కారణంగా ప్రపంచవ్యాప్తంగా 13 లక్షల కార్లను రీకాల్ చేసిన సంగతి తెలిసిందే. ఇందులో ఇండియాలో విక్రయించిన 3,422 కార్లు ఈ రీకాల్కు వర్తిస్తాయని కంపెనీ పేర్కొంది. 2003 నుండి 2010 మధ్య కాలంలో తయారైన 5-సిరీస్, 6-సిరీస్ కార్లలో ఉపయోగించిన లోపపూరితమైన బ్యాటరీ కేబుల్ను రీప్లేస్ చేసేందుకు ఈ రీకాల్ చేస్తున్నట్ల కంపెనీ తెలిపింది.
కారులోని ట్రంక్లో కవర్ చేయబడిన ఓ లోపపూరితమైన బ్యాటరీ కేబుల్ కారణంగా కొన్ని ఎలక్ట్రిక్ సమస్యలు తలెత్తి, కారులో మంటలు చెలరేగే ప్రమాదం ఉన్న కారణంగా బిఎమ్డబ్ల్యూ ఈ రీకాల్ చేసింది. ఈ సమస్య కారణంగా ఇప్పటి వరకూ ఎలాంటి ప్రమాదాలు జరిగినట్లు తమ దృష్టికి రాలేదని కంపెనీ పేర్కొంది. తమ వినియోగదారులకు నాణ్యమైన సేవలను అందించాలనే ఉద్దేశ్యంతో ముందస్తు జాగ్రత్త చర్యగా ఈ రీకాల్ చేస్తున్నామని బిఎమ్డబ్ల్యూ తెలిపింది.
ఈ రీకాల్ గురించి ఇండియాలోని తమ కస్టమర్లకు ప్రత్యేకంగా తెలియజేస్తామని, సమాచారం అందుకున్న వినియోగదారులు తమ వాహనాన్ని సమీపంలోని బిఎమ్డబ్ల్యూ షోరూమ్/సర్వీస్ సెంటర్కు తీసుకువెళితే 30 నిమిషాల నుండి ఒక్క గంట వ్యవధిలో ఈ సమస్యను ఉచితంగా పరిష్కరించబడుతుందని కంపెనీ తెలిపింది.
Continue with Google