Click it and Unblock the Notifications
మొట్టమొదటి సారిగా బిఎమ్డబ్ల్యూని ఓవర్టేక్ చేసిన ఆడి
ఎక్కడైనా పోటీ అనేది లేకపోతే విజేత అనే వారు ఉండరు. అది ఆటైనా సరే వ్యాపారమైనా సరే. అయితే, ఎప్పుడూ ఒక్కరే విజేతగా నిలుస్తారనుకోవటం మాత్రం పొరపాటే అవుతుంది. అసలు విషయం ఏంటంటే, లగ్జరీ కార్ మార్కెట్లో ప్రపంచపు అగ్రగామిగా ఉన్న బిఎమ్డబ్ల్యూ కార్ కంపెనీను తొలిసారిగా ఆడి ఓవర్టేక్ చేసి అగ్రస్థానాన్ని దక్కించుకుంది.
ఆడికు అత్యంత కీలక మార్కెట్లయిన చైనా, అమెరికా, రష్యా వంటి దేశాల్లో ఆడి కార్లకు గిరాకీ బాగా పెరగడంతో గడచిన ఏప్రిల్ నెలలో ఆడి భారీ అమ్మకాలను నమోదు చేసుకుంది. ఏప్రిల్ 2012లో ఆడి గ్లోబల్ సేల్స్ 14.4 శాతం వృద్ధిని సాధించి మొత్తం 1,25,200 యూనిట్లను విక్రయించింది. ఇదే సమయంలో బిఎమ్డబ్ల్యూ కూడా 1,21,476 యూనిట్లను విక్రయించి 7.4 శాతం వృద్ధిని తమ ఖాతాలో వేసుకుంది.
వాహనాల అమ్మకాల సంఖ్య పరంగా ఇరు కంపెనీలకు పెద్దగా తేడా లేకపోయినప్పటి, అమ్మకాల వృద్ధి రేటులో మాత్రం ఆడి బిఎమ్డబ్ల్యూ కన్నా రెండు రెట్లు అధిక వృద్ధిని నమోదు చేసుకుంది. దీంతో గత మార్చి నెల వరకూ టాప్ వన్ పొజిషన్లో ఉన్న బిఎమ్డబ్ల్యూ ఏప్రిల్ నెలలో టాప్ పొజిషన్కు పోడిపోయింది. అయితే, వార్షిక అమ్మకాల సంఖ్యను గమనిస్తే మాత్రం, బిఎమ్డబ్ల్యూ కన్నా ఆడి కాస్తంత వెనుకంజలో ఉంది.
Continue with Google