మందగించిన బజాజ్ బైక్ సేల్స్, జోరు మీదున్న మహీంద్రా స్కూటర్స్

Published: Tuesday, September 4, 2012, 11:51 [IST]

దేశపు ద్వితీయ అగ్రగామి ద్విచక్ర వాహన తయారీ కంపెనీ బజాజ్ ఆటో అమ్మకాల జోరుకు బ్రేక్‌లు పడ్డాయి. గడచిన నెలలో బజాజ్ ఆటో సరికొత్త పల్సర్‌ 200 ఎన్ఎస్ స్పోర్ట్స్‌ బైక్‌ను మార్కెట్లో అందుబాటులోకి తెచ్చినప్పటికీ, అమ్మకాలు మాత్రం ఆశించిన రీతిలో సాగలేదు. మార్కెట్ సెంటిమెంట్ బలహీనంగా ఉండటం, పండుగ సీజన్‌లో వాహనాలను కొనుగోలు చేద్దామని కొనుగోలుదారులు వేచి ఉండటంతో కంపెనీ ఆగస్ట్ నెల అమ్మకాలు తగ్గుముఖం పట్టాయి.

ఆగస్టు 2011 నెలతో పోల్చుకుంటే ఆగస్టు 2012 నెలలో బజాజ్ మోటార్‌సైకిళ్ల వహనాలు 9.97 శాతం క్షీణించి 3,38,054 యూనిట్ల నుంచి 3,04,352 యూనిట్లకు పడిపోయినట్లు కంపెనీ ఓ ప్రకటనలో పేర్కొంది. ఇదే సమయంలో కంపెనీ ఎగుమతులు కూడా 4.82 శాతం క్షీణించి 138,225 యూనిట్ల నుంచి 131,562 యూనిట్లకు పడిపోయాయి.

త్రిచక్ర వాహనాల విభాగంలో కూడా అమ్మకాలు 9 శాతం తగ్గి 44,685 యూనిట్ల నుంచి 40,554 యూనిట్లకు పడిపోయాయి. గతేడాది ఆగస్టుతో పోలిస్తే ఈ ఆగస్టులో బజాజ్ ఆటో మొత్తం అమ్మకాలు సుమారు 10 శాతం తగ్గి 3,44,906 యూనిట్లుగా నమోదయ్యాయి.

మహీంద్రా స్కూటర్ల జోరు:
మహీంద్రా టూ వీలర్స్ తాజాగా మార్కెట్లోకి ప్రవేశపెట్టిన మహీంద్రా డ్యూరో డిజెడ్, మహీంద్రా రోడియో ఆర్‌జెడ్ స్కూటర్లకు మార్కెట్లో మంచి స్పందన లభిస్తోంది. గడచిన ఆగస్టులో కంపెనీ మొత్తం 10,028 స్కూటర్లను విక్రయించింది. ఈ ఏడాది ఏప్రిల్ నుంచి ఇప్పటి వరకూ కంపెనీ మొత్తం 50,567 స్కూటర్లను విక్రయించామని కంపెనీ ఒక ప్రకటనలో పేర్కొంది.

Article Published On: Tuesday, September 4, 2012, 11:51 [IST]

English summary

India's second-largest two-wheeler manufacturer Bajaj Auto Limited has reported a 9.97 percent decline in motorcycle sales at 304,352 units in August this year, according to a company statement. Bajaj Auto sold 338,054 units in 2011.

More from DriveSpark