ఏప్రిల్ నెలలో 3.4 శాతం వృద్ధిని సాధించిన కార్ సేల్స్

ఎస్ఐఏఎమ్ గణాంకాల ప్రకారం, ఏప్రిల్ 2012 నెలలో భారత్‌లో కార్ల అమ్మకాలు 3.4 శాతం వృద్ధిని సాధించాయి.గడచిన నెలల్లో సాధించిన వృద్ధితో పోలిస్తే ఇది తక్కువే. మార్చి 2012లో మాత్రం అమ్మకాల వృద్ధి 20 శాతంగా నమోదైంది. ఇందుకు ప్రధాన కారణం, బడ్జెట్ తర్వాత కార్ల ధరలు పెరుగుతాయనే భయంతో కొనుగోలుదారులు ముందస్తు కొనుగోళ్లు చేయటమే.

గడచిన నెలలో మొత్తం 1,68,351 కార్లు అమ్ముడుపోయాయని భారత ఆటోమోటివ్ తయారీ దారుల సంఘం (ఎస్ఐఏఎమ్) పేర్కొంది. అలాగే, ఏప్రిల్ నెలలో ట్రక్కుల అమ్మకాలు 4.4 శాతం వృద్ధిని సాధించి 56,257 యూనిట్లు అమ్ముడు పోగా, మోటార్‌సైకిళ్ల అమ్మకాలు 6.5 శాతం వృద్ధిని నమోదు చేసుకొని 8,61,602 యూనిట్లుగా నమోదయ్యాయి.