Click it and Unblock the Notifications
యువతను ఆకట్టుకునేందుకు చవక లగ్జరీ కార్లు
ప్రస్తుతం ఈ ప్రీమియం కంపెనీలు అందిస్తున్న లగ్జరీ కార్లన్నీ కూడా రూ.30 లక్షలకు పైనే ఉన్నాయి. మెర్సిడెస్ బెంజ్ ఇప్పటికే తమ చిన్న కారు బి-క్లాస్ను ఇండియన్ మార్కెట్లో ఆవిష్కరించగా, ఆడి తమ ఏ3 హ్యాచ్బ్యాక్ను దేశీయ విపణిలో ప్రవేశపెట్టేందుకు సన్నాహాలు చేస్తుంది. అలాగే, బిఎమ్డబ్ల్యూ కూడా చవక మోడళ్లను తయారు చేసేందుకు ఓ సరికొత్త ఫ్లాట్ఫామ్ను అభివృద్ధి చేస్తోంది. అంతేకాకుండా.. ఆడి ఏ3, మెర్సిడెస్ ఏ-క్లాస్ కార్లకు పోటీ ఇచ్చే విధంగా 2015 నాటికి ఇండియన్ మార్కెట్లో 1-సిరీస్ కార్లను కూడా ప్రవేశపెట్టాలని బిఎమ్డబ్ల్యూ యోచిస్తోంది.
దీన్నిబట్టి చూస్తుంటే, ఈ లగ్జరీ కార్ కంపెనీలన్నీ కూడా, అధిక జీతాలు కలిగిన యువ ఉద్యోగులను టార్గెట్గా చేసుకొని చవక కార్లను ప్రవేశపెట్టాలని భావిస్తున్నట్లు తెలుస్తోంది. కాగా మెర్సిడెస్ బెంజ్ ఇండియా ఈ ఏడాది సెప్టెంబర్ నుంచి తమ బి-క్లాస్ స్పోర్ట్స్ టూరర్ డెలివరీలను ప్రారంభించనుండగా, 2013 మూడవ త్రైమాసికంలో ఏ-క్లాస్ను మార్కెట్లో విడుదల చేయనుంది.
Continue with Google