హైదరాబాద్‌లో తొలి షోరూమ్‌‌ను ప్రారంభించిన ఫియట్

హైదరాబాద్‌లోని తేజశ్వని మోటార్స్ ఫియట్‌కు అధీకృత డీలర్‌గా వ్యహవరించనుంది. సుమారు 5,400 చ.అ. విస్తీర్ణంలో ఈ షోరూమ్‌ ఏర్పాటు చేయబడింది. ఫియట్ ఇండియా హెడ్ (కమర్షియల్) ఎన్రికో ఆస్టనాసియో ఈ కొత్త డీలర్‌షిప్‌ను ప్రారంభించారు. ప్రత్యేకించి ఫియట్ కార్ల కోసం దేశవ్యాప్తంగా మరిన్ని ఎక్స్‌క్లూజివ్ ఫియట్ షోరూమ్‌లను ప్రారంభిస్తామని, అంతేకాకుండా మరిన్న కొత్త బ్రాండ్‌లను, కార్లను ఇండియాకు పరిచయం చేస్తామని ఆయన తెలిపారు.

ఫియట్ 2007వ సంవత్సరంలో కార్ల పంపిణీ (డిస్ట్రిబ్యూషన్), సర్వీసింగ్‌ల కార్యకలాపాల కోసం టాటా మోటార్స్‌తో ఓ డీల్‌ను కుదుర్చుకుంది. ఇరు కంపెనీల మధ్య కుదిరిన ఈ 50:50 జాయింట్ వెంచర్ పంపిణీ భాగస్వామ్యంలో భాగంగా, టాటా మోటార్స్ వాహనాలను విక్రయించే స్థలంలోనే ఫియట్ తమ వాహనాలను కూడా విక్రయిస్తూ వచ్చింది. అయితే, దీని వలన ఫియట్‌కు ఏ మాత్రం లబ్ధి చేకూరకపోవటంతో, భారత్‌లో తామే స్వతహాగా కార్యకలాపాలు ప్రారంభించాలని నిర్ణయించింది.

ప్రస్తుతం ఫియట్ భారత మార్కెట్లో రెండు మోడళ్లను మాత్రమే అందిస్తుంది. లీనియా 2012 సెడాన్, గ్రాండే పుంటో 2012 హ్యాచ్‌బ్యాక్ మరియు లీనియాలో మరో వేరియంట్ లీనియా టి-జెట్ మోడళ్లను కంపెనీ అందిస్తోంది.