Click it and Unblock the Notifications
అక్టోబర్ నెలలో మార్కెట్లోకి రానున్న కొత్త చెవర్లే స్పార్క్
మార్కెట్ వర్గాల సమాచారం ప్రకారం, కొత్త మారుతి సుజుకి ఆల్టో 800 విడుదలకు ఒక్క రోజు ముందు సరికొత్త చెవర్లే స్పార్క్ విడుదలయ్యే అవకాశం ఉన్నట్లు తెలుస్తోంది. ఐదేళ్ల క్రితం చెవర్లే స్పార్క్ దేశీయ మార్కెట్లో విడుదలైంది. ఇది కేవలం పెట్రోల్ వేరియంట్లో మాత్రమే లభ్యమవుతోంది. అయితే, ప్రస్తుతం పెట్రోల్ ధరలు భారీగా పెరగటం, మరింత మెరుగైన మైలేజీనిచ్చే స్పార్క్ను కొనుగోలుదారులకు అందించాలనే ఉద్దేశ్యంతో జనరల్ మోటార్స్ ఈ కొత్త వెర్షన్ను అభివృద్ధి చేసింది.
సరికొత్త లుక్ అండ్ ఫీల్నిచ్చే డిజైన్, రిఫ్రెష్డ్ ఇంటీరియర్స్, రీట్యూన్ చేయబడిన ఇంజన్ వంటి ప్రధాన మార్పులతో కొత్త చెవర్లే స్పార్క్ మార్కెట్లోకి రానుంది. ప్రస్తుతం మార్కెట్లో లభిస్తున్న స్పార్క్లో 1.0 లీటర్ పెట్రోల్ ఇంజన్ను ఉపయోగిస్తున్నారు. కొత్త స్పార్క్లో కూడా ఇదే ఇంజన్ను రీట్యూన్ చేసి ఉపయోగిస్తారా లేదా ఎక్కువ మైలేజ్ కోసం తక్కువ సీసీ కలిగిన (800సీసీ) ఇంజన్ను ఉపయోగిస్తారా అనే విషయం తేలాల్సి ఉంది.
చెవర్లే స్పార్క్లో అప్డేటెడ్ వెర్షన్ ఇప్పటికే అమెరికన్ మార్కెట్లో చెవర్లే బీట్ పేరుతో అమ్ముడవుతోంది. గడచిన జవరిలో జరిగిన ఢిల్లీ ఆటో ఎక్స్పోలో జనరల్ మోటార్స్ ప్రదర్శించిన ఎలక్ట్రిక్ చెవర్లే స్పార్క్ కాన్సెప్ట్ (ఈ-స్పార్క్) డిజైన్ను నుంచి స్ఫూర్తి పొంది కొత్త స్పార్క్ను డిజైన్ చేసే అవకాశం ఉంది. చెవర్లే స్పార్క్ చిన్న కారు అయినప్పటికీ, విశాలమైన ఇంటీరియర్ స్పేస్, మంచి డ్రైవింగ్ అండ్ హ్యాండ్లింగ్ను కలిగి ఉండి, చిన్న కారు ప్రియులకు చక్కగా సరిపోతుంది. చెవర్లే స్పార్క్లో సిఎన్జి వేరియంట్ కూడా మార్కెట్లోకి రావచ్చని సమాచారం.
Continue with Google