త్వరలో కాంపాక్ట్ అంబాసిడర్ కారును ప్రవేశపెట్టనున్న హెచ్ఎమ్

Gallery | More Images

హిందూస్థాన్ మోటార్స్ నుండి మార్కెట్లోకి రానున్న ఈ కాంపాక్ట్ అంబాసిడర్ సెడాన్ కూడా, తాజాగా మారుతి సుజుకి నుండి మార్కెట్లోకి విడుదలైన కాంపాక్ట్ స్విఫ్ట్ డిజైర్ మాదిరిగానే పొడవులో 4 మీటర్ల కన్నా తక్కువగా ఉండనుంది. చిన్న కార్లపై ప్రభుక్వం విధించే ఎక్సైజ్ సుంకంలో రాయితీలను పొందేందుకు గానూ హిందూస్థాన్ మోటార్స్ ఈ బుజ్జి అంబాసిడర్ కారును రూపొందిస్తోంది.

అయితే, కేవలం పొడవు తక్కువగా ఉన్నంత మాత్రనా అలాంటి కార్లను చిన్నకార్లుగా పరిగణించిలో వాటిల్లో ఉపయోగించే ఇంజన్ సామర్థ్యం కూడా చిన్న కార్లపై ప్రభావితం చూపుతుంది. కాబట్టి కాంపాక్ట్ అంబాసిడర్ కారులో ఉపయోగిస్తున్న 18 లీటర్ ఇసుజు పెట్రోల్ లేదా సిఎన్‌జీ ఇంజన్ స్థానంలో 1.2 లీటర్ పెట్రోల్ ఇంజన్ లేదా 1.5 లీటర్ డీజిల్ ఇంజన్‌లను రీప్లేస్ చేసే ఆస్కారం ఉంది.

ఏదేమైనప్పటికీ, 2012లో హిందూస్థాన్ మోటార్స్ నుండి ఇదే (కాంపాక్ట్ అంబాసిడర్ సెడాన్ విడుదల) అతిపెద్ద విడుదలయ్యే చాన్స్ ఉంది. గడచిన సంవత్సరం ఆగస్ట్ నెలలో అంబాసిడర్ ఫ్లాట్‌ఫామ్ ఆధారంగా రూపొందించిన తేలికపాటి వాణిజ్య వాహనం "వీర్"ను దేశీయ విపణిలోకి విడుదల చేసిన సంగతి తెలిసిందే. హిందూస్థాన్ మోటార్స్ నుండి కొత్తగా రానున్న కాంపాక్ట్ అంబాసిడర్ సెడాన్ చరిత్రను మరోసారి తిరగరాయలదని ఆశిద్దాం.