మరోసారి సిటీ సెడాన్ ధరను రూ.10,000 పెంచిన హోండా

గత వారం హోండా సియోల్ అందిస్తున్న అన్ని ఇతర మోడళ్లను ధరలను కూడా రూ.4,000 నుండి రూ.94,000 వరకూ పెంచిన సంగతి తెలిసిందే. అయితే ఈ పెంపు పాక్షికమైనదేనని, బడ్జెట్ విడుదైలన తర్వాత తమపై ఎక్సైజ్ సుంఖాల మోత అధికంగా ఉండటంతో పూర్తి భారాన్ని వినియోగదారులపై మోపక తప్పడం లేదని హోండా సియెల్ కార్స్ ఇండియా సీనియర్ వైస్ ప్రెసిడెంట్ (సేల్స్ అండ్ మార్కెటింగ్) జ్ఞానేశ్వర్ సేన్ తెలిపారు.

తాజా పెంపుతో హోండా సిటీ సెడాన్‌లో వేరియంట్‌ను ధరలు రూ.8,000 నుండి రూ.10,000 వరకూ పెరుగుతాయని ఆయన తెలిపారు. గత వారం పెంపుతో హోండా సిటీ సెడాన్ ధరలు రూ.7.1 లక్షల నుండి రూ.10.33 లక్షల వరకూ (ఎక్స్‌-షోరూమ్ ఢిల్లీ) పెరిగాయి. ఈ కొత్త పెంపుతో సిటీ సెడాన్ ధరలు మరింత పెరగనున్నాయి.

యూనియన్ బడ్జెట్ 2012-13లో చిన్న కార్లపై ఎక్సైజ్ సుంఖాన్ని 10 శాతం నుండి 12 శాతానికి, పెద్ద కార్లపై ఎక్సైజ్ సుంఖాన్ని 22 శాతం నుండి 25 శాతానికి పెంచుతూ కేంద్ర సర్కారు నిర్ణయించిన సంగతి తెలిసిందే. మార్చి 17, 2012న హోండా సియోల్ కార్స్ ఇండియా (హెచ్ఎస్‌సిఐ) కూడా వివిధ మోడళ్లపై పెంచి ధరల వివరాలు ఈ క్రింది విధంగా ఉన్నాయి.

* హోండా బ్రయోపై రూ.4,000 నుండి రూ.10,000 వరకూ పెంపు.
* హోండా జాజ్‌పై రూ.15,000 వరకూ పెంపు.
* హోండా సిటీపై రూ.5,000 నుండి రూ.10,500 వరకూ పెంపు.
* హోండా సివిక్‌పై రూ.36,600 నుండి రూ.45,800 వరకూ పెంపు.
* హోండా అకార్డ్‌పై రూ.67,500నుండి రూ.93,975 వరకూ పెంపు.