Click it and Unblock the Notifications
హోండా సియోల్ కార్స్ ఇండియా పేరు మారిపోయింది
హోండా సియోల్ కార్స్ ఇండియా జాయింట్ వెంచర్లోని ఉషా ఇంటర్నేషనల్ వాటాలను కంపెనీ హోండా పూర్తిగా హస్తగతం చేసుకుంది. దీంతో ఇది జపాన్కు చెందిన హోండా మోటార్ కార్పోరేషన్ పూర్తి భారతీయ అనుబంధ సంస్థగా అవతరించింది. ఇటీవలే ఈ వాటాల స్వాధీనం పూర్తయిన నేపథ్యంలో కంపెనీ పేరు మార్పు ప్రక్రియను ప్రారంభించింది. కాగా.. నేడు ఈ ప్రక్రియ పూర్తయిందని, తమ సంస్థ పేరును మార్పు చేశామని కంపెనీ ఓ ప్రకటనలో పేర్కొంది.
దీంతో హోండా సియోల్ కార్స్ ఇండియా లిమిటెడ్ (హెచ్ఎస్సిఐ) ఇకపై హోండా కార్స్ ఇండియా లిమిటెడ్ (హెచ్సిఐ)గా మారిపోయింది. "ఢిల్లీ మరియు హర్యానాల యొక్క రిజిస్ట్రార్ ఆఫ్ కంపెనీస్, ఎన్సిటి ద్వారా జారీ చేయబడిన తాజా సర్టిఫికెట్ ఆఫ్ ఇన్కార్పోరేషన్ ప్రకారం సంస్థ పేరు మార్పు తక్షణమే అమల్లోకి వస్తుంద"ని కంపెనీ ప్రకటించింది. హెచ్ఎస్సిఐ జాయింట్ వెంచర్లో ఉషా ఇంటర్నేషల్కు ఉన్న 3.16 శాతం వాటాను గడచిన నెలలో హోండా రూ.180 కోట్లు చెల్లించి కొనుగోలు చేసింది. ఈ జేవిని 1995లో ప్రారంభించబడింది.
Continue with Google