ఐసిసి వరల్డ్ ట్వెంటీ20 2012 'ఫస్ట్ బాల్'ను ప్రదర్శించిన హ్యుందాయ్

ప్రస్తుతం క్రికెట్ అభిమానులంతా ఎంతో ఆసక్తిగా ఎదురు చూస్తున్న సీజన్ ఐసిసి వరల్డ్ ట్వెంటీ20 2012. సెప్టెంబర్ 18 నుండి ఈ క్రికెట్ మహా సంగ్రామం ప్రారంభం కానుంది. ఈ నేపథ్యంలో, 4వ ఐసిసి వరల్డ్ ట్వెంటీ20 2012 తొలి మ్యాచ్‌లో ఉపయోగించనున్న మొదటి బంతిని (ఫస్ట్ బాల్)ను దేశపు ద్వితీయ అగ్రగామి ప్యాసింజర్ కార్ల తయారీ కంపెనీ హ్యుందాయ్ మోటార్ ఇండియా లిమిటెడ్ (హెచ్ఎమ్ఐఎల్) ప్రదర్శనకు ఉంచింది.

న్యూఢిల్లీలో జరిగిన ఓ కార్యక్రమలో కంపెనీ జనరల్ మేనేజర్ గ్రూప్ హెడ్ (మార్కెటింగ్) నలిన్ కపూర్ ఈ ఐసిసి వరల్డ్ ట్వెంటీ20 2012 ఫస్ట్ బాల్‌ను ప్రదర్శించారు. హ్యుందాయ్ ఇయాన్ కారులో ఈ ఫస్ట్ బాల్ సెట్‌ను మీడియాకు ప్రదర్శించారు. సెప్టెంబర్ 18, 2012న శ్రీలంకలో జరగనున్న తొలి మ్యాచ్‌లో ఈ బంతులను ఉపయోగిస్తారు. మొదటి ట్వెంటీ20 మ్యాచ్ శ్రీలంక, జింబాబ్వే జట్ల మధ్య జరగనుంది.

More Images

ఈ క్రికెట్ బాల్స్‌ను ప్రదర్శించడం కోసం ఓ హ్యుందాయ్ ఇయాన్ కారును ప్రత్యేకంగా బ్రాండింగ్ చేశారు. ఐసిసి వలర్డ్ ట్వెంటీ20 2012 ప్రమోషన్ కార్యకలాపాల్లో భాగంగా, హ్యుందాయ్ గడచిన జులై 2012 నెలలో న్యూఢిల్లీ, ముంబాయి, చెన్నై నగరాల్లో 'ట్రోఫీ టూర్'ను కూడా నిర్వహించిన సంగతి తెలిసిందే.