Click it and Unblock the Notifications
ఇంపోర్టెడ్ కార్లపై సుంకాలను తగ్గించిన మహారాష్ట్ర
మన దేశంలో అక్కడి మార్కెట్లో దిగుమతి చేసుకునే కార్లు (ఇంపోర్టెడ్ కార్లు) ఇకపై చౌక ధరకే లభించనున్నాయి. ఇంపోర్టెడ్ కార్లపై సుంకాలను తగ్గించాలని మహారాష్ట్ర సర్కారు నిర్ణయించింది. ప్రస్తుతం మహారాష్ట్రలో దిగుమతి చేసుకునే కార్ల యొక్క మొత్తం ఖరీదుపై 20 శాతం సుంకాన్ని మాత్రం ఆ రాష్ట్ర సర్కారు వసూలు చేయనుంది.
ఇది వరకూ మహారాష్ట్రలో దిగుమతి చేసుకునే కార్లపై అధిక సుంకాన్ని విధిస్తుండటంతో వేలాది మంది వాహన యజమానులు, సుంకాలు తక్కువగా ఉండే పొరుగు రాష్ట్రాల్లో తమ వాహనాలను రిజిస్టర్ చేయించుకొని మహారాష్ట్ర రోడ్లపై వినియోగిస్తున్నారు. ఈ నేపథ్యంలో ఇంపోర్టెడ్ కార్లు, కంపెనీలకు చెందిన స్వంత వాహనాలపై టాక్స్ కత్తిరించాలని రాష్ట్ర క్యాబినెట్ ఏకగ్రీవంగా నిర్ణయం తీసుకుంది.
గతంలో మాహారాష్ట్రలో దిగుమతి చేసుకునే మరియు కంపెనీకు చెందిన స్వంత వాహనాలపై సుంకాన్ని, పెట్రోల్ వాహనాలపై 22 శాతాన్ని, డీజిల్ వాహనాలపై 26 శాతాన్ని విధించేవారు. గడచిన బడ్జెట్లో రాష్ట్ర సర్కారు ప్రైవేట్ వాహనాలపై సుంకాలను పెంచింది. పెట్రోల్ వాహనాలపై 2 శాతాన్ని, డీజిల్ వాహనాలపై 4 శాతం సుంకాన్ని మహారాష్ట్ర పెంచింది. కాగా... తాజాగా రాష్ట్ర సర్కారు తీసుకున్న పన్ను తగ్గింపు తక్షణమే అమలులోకి వచ్చింది.
Continue with Google