జోరుగా సాగుతున్న జాగ్వార్ ల్యాండ్ రోవర్ అమ్మకాలు

More Photos

గడచిన నెలలో టాటా మోటార్స్ అంతర్జాతీయంగా 94,055 వాహనాలను విక్రయించి గతేడాది జూన్‌ నెలతో పోల్చుకుంటే ఇది 6 శాతం వృద్ధిని సాధించింది. ఇందులో జాగ్వార్ బ్రాండ్ అమ్మకాలు 5 శాతం తగ్గుముఖం పట్టగా, ల్యాండ్ రోవర్ అమ్మకాలు మాత్రం 49 శాతం వృద్ది చెందాయని టాటా మోటార్స్ ఓ ప్రకటనలో పేర్కొంది.

మొత్తమ్మీద జాగ్వార్ ల్యాండ్ రోవర్ అమ్మకాలు 39 శాతం వృద్ధి చెంది 28,215 యూనిట్లుగా నమోదయ్యాయి. గత నెలలో మొత్తం ప్యాసింజర్ కార్ల అమ్మకాలు 7 శాతం పెరిగి 46,159 యూనిట్లుగా నమోదు కాగా, వాణిజ్య వాహనాల అమ్మకాలు 6 శాతం పెరిగి 47,896 యూనిట్లుగా నమోదైనట్లు కంపెనీ తెలిపింది.