Click it and Unblock the Notifications
మహీంద్రా వెరిటో సెడాన్ ఫ్లాట్ఫామ్పై హ్యాచ్బ్యాక్ వెర్షన్
తాజాగా రిఫ్రెష్డ్ వెరిటో సెడాన్ను ప్రవేశపెట్టిన ఎస్యూవీ స్పెషలిస్ట్ మహీంద్రా అండ్ మహీంద్రా (ఎమ్ అండ్ ఎమ్), ఇదే ఫ్లాట్ఫామ్ను ఆదారంగా చేసుకొని ఇందులో ఓ హ్యాచ్బ్యాక్ వెర్షన్ను తీసుకువచ్చేందుకు సన్నాహాలు చేస్తుంది. కంపెనీ సీఈఓ ప్రవీణ్ షా ఈ విషయాన్ని ధృవీకరించారు. లోగాన్ ఫ్లాట్ఫామ్ను ఆధారంగా చేసుకొని రెనో భాగస్వామ్యంతో ఓ చిన్న కారును అభివృద్ధి చేసే అకాశాలు ఉన్నట్లు ఆయన చెప్పారు.
లోగాన్ను తొలిసారిగా ఇండియాలో 2007లో ఫ్రెంచ్ కార్ మేకర్ రెనో సహకారంతో మహీంద్రా విడుదల చేసింది. మహీంద్రా-రెనో జాయింట్ వెంచర్లో రెనోకు 41 శాతం వాట ఉండేది. అయితే, ఈ జెవీ నష్టాల్లో నడవటంతో 2009లో రెనో మొత్తం వాటాను మహీంద్రా కొనుగోలు చేసింది. అంతేకాకుండా.. లోగాన్ కారును వెరిటోగా పేరు మార్చి కారు డిజైన్, ఇంటీరియర్, ఎక్స్టీరియర్లలో మార్పులు చేసి మార్కెట్లో ప్రవేశపెట్టింది. వెరిటోగా పేరు మార్చి, మహీంద్రా బ్రాండ్తో విక్రయించడంతో ఈ కారు అమ్మకాలు జోరందుకున్నాయి.
ఈ నేపథ్యంలో వెరిటో అమ్మకాలను మరింత పెంచుకునేందుకు ఇందులో ఓ సరికొత్త రిఫ్రెష్డ్ వెర్షన్ను కంపెనీ మార్కెట్లోకి విడుదల చేసింది. అయితే, ప్రస్తుతం చిన్న కార్ సెగ్మెంట్లో అవకాశాలు ఎక్కువగా ఉండటంతో ఈ సెగ్మెంట్లోకి కూడా ప్రవేశించాలని మహీంద్రా యోచిస్తోంది. ఈ సెడాన్ ఫ్లాట్ఫామ్ ఆధారంగా మార్కెట్లోకి రానున్న హ్యాచ్బ్యాక్ మోడల్ ఇటు పెట్రోల్, అటు డీజిల్ ఇంజన్ ఆప్షన్లతో లభ్యమయ్యే అవకాశాలు కనిపిస్తున్నాయి.
ఫేస్లిఫ్టెడ్ మహీంద్రా వెరిటోను కేవలం రూ.527 లక్షల ప్రారంభ ధరకే (పెట్రోల్ వేరియంట్, ఎక్స్-షోరూమ్, ఢిల్లీ) మహీంద్రా అండ్ మహీంద్రా విడుదల చేసింది. 2012 మహీంద్రా వెరిటోలో లభించే వేరియంట్లు, ధరల వివరాలు ఇలా ఉన్నాయి:
మహీంద్రా వెరిటో వేరియంట్లు, ధరలు:
మహీంద్రా వెరిటో 1.4 జి2 (పెట్రోల్) - రూ.5.27 లక్షలు
మహీంద్రా వెరిటో 1.4 జి4 (పెట్రోల్) - రూ.5.49 లక్షలు
మహీంద్రా వెరిటో 1.5 డి2 (డీజిల్) - రూ.6.26 లక్షలు
మహీంద్రా వెరిటో 1.5 డి4 (డీజిల్) - రూ.6.48 లక్షలు
మహీంద్రా వెరిటో 1.5 డి6 (డీజిల్) - రూ.7.14 లక్షలు
Continue with Google