రాష్ట్ర మార్కెట్లోకి మహీంద్రా ఆల్ఫా ప్లస్ లోడ్ క్యారియర్

యుటిలిటీ వాహనాల తయారీలో ప్రసిద్ధిగాంచిన మహీంద్రా అండ్‌ మహీంద్రా (ఎమ్ అండ్ ఎమ్) గడచిన మే నెలలో మార్కెట్లో విడుదల చేసిన 3 వీలర్‌ అల్ఫా లోడ్‌ కారియర్‌ "ఆల్ఫా ప్లస్" ఇప్పుడు రాష్ట మార్కెట్లో కూడా అందుబాటులోకి వచ్చింది. మినరల్ వాటర్, గ్యాస్ సిలిండర్స్, వినియోగ వస్తువులు వంటి వాటిని రవాణా చేసేందుకు వీలుగా, పొడవాటి డెక్‌తో కూడిన ఆల్ఫా ప్లస్‌ను ప్రత్యేకించి ఇంట్రా-సిటీ లోడ్ ట్రాన్స్‌పోర్ట్ కోసం డిజైన్ చేయటం జరిగింది.

పొడవాటి వీల్‌బేస్, ఆకర్షనీయమైన డిజైన్, సౌకర్యవంతమైన మరియు విశాలవంతమైన క్యాబిన్, పవర్‌ఫుల్ ఇంజన్, ఎక్సలెంట్ మైలేజ్ వంటి ఫీచర్లతో ఆల్ఫా ప్లస్ 3వీలర్ లోడ్ క్యారియర్‌ను కంపెనీ తీర్చిదిద్దింది. పొడవైన డెక్ (వెనుక ట్రక్కు) కారణంగా ఇది అధనంగా 20 శాతం అధిక లోడ్‌ను ఆఫర్ చేస్తుంది. 'పెద్ద ఆదాయం కోసం పెద్ద ఆల్ఫా' అనే ట్యాగ్‌లైన్‌తో విడుదలైన కొత్త ఆల్ఫా నిజంగానే తన కస్టమర్లకు మంచి ఆదాయాలను చేకూర్చి పెడుతుంది.