ఓబిసి బ్యాంక్‌తో చేతులు కలిపిన మహీంద్రా అండ్ మహీంద్రా

More Photos

ఈ ఒప్పందంలో భాగంగా, ఓరియంటల్ బ్యాంక్ ఆఫ్ కామర్స్‌కు దేశవ్యాప్తంగా ఉన్న 1808 బ్రాంచ్‌ల ద్వారా మహీంద్రా అండ్ మహీంద్రా వినియోగదారులు రుణ సదుపాయాన్ని పొందవచ్చు. మహీంద్రా అండ్ మహీంద్రా లిమిటెడ్ సీనియర్ వైస్-ప్రెసిడెంట్ (సేల్స్ అండ్ కస్టమర్ కేర్) అరున్ మల్హోత్రా, ఓరియంటల్ బ్యాంక్ ఆఫ్ కామర్స్ జనరల్ మేనేజర్ అతుల్ గౌతమ్, ఓబిసి ఛైర్మన్, మేనేజింగ్ డైరెక్టర్ ఎస్.ఎల్. బన్సాల్ తదితరుల సమక్షంలో ఈ ఒప్పందం జరిగింది.

మహీంద్రా అండ్ మహీంద్రాకు దేశవ్యాప్తంగా సుమారు 250కు పైగా డీలర్‌షిప్ కేంద్రాలు ఉన్నాయి. ఈ ఒప్పందం ద్వారా ఇటు ఎమ్ అండ్ ఎమ్‌కు అటు ఓబిసికు లబ్ధి చేకూరనుంది. వాణిజ్య, ప్యాసింజర్ వాహనాల ఫైనాన్సింగ్ కార్యకలాపాల విస్తరణలో భాగంగా మహీంద్రా అండ్ మహీంద్రాతో చేతులు కలిపామని ఓబిసి చైర్మన్, మేనేజింగ్ డైరెక్టర్ ఎస్.ఎల్. బన్సాల్ తెలిపారు.