Click it and Unblock the Notifications
గుర్గావ్ ప్లాంట్లో కూడా స్విఫ్ట్ డిజైర్ ఉత్పత్తి ప్రారంభం
మారుతి సుజుకి స్విఫ్ట్ డిజైర్ కార్లు ఇప్పటి వరకూ మానేసర్ ప్లాంటులో ఉత్పత్తి అవుతున్నాయి. గడచిన జులై నెలలో మారుతి సుజుకి మానేసర్ ప్లాంటులో జరిగిన అల్లర్ల కారణంగా కంపెనీ నెల రోజుల పాటు ప్లాంట్ను లాకౌట్ చేసి, ఉత్పత్తిని నిలిపివేసి సంగంతి తెలిసిందే. దీంతో మార్కెట్లో అందుబాటులో ఉన్న స్విఫ్ట్ డిజైర్ స్టాక్ మొత్తం ఖాలీ అయిపోయి, వీటి బుకింగ్ల సంఖ్య భారీగా పెరిగిపోయింది.
పెండింగ్ ఆర్డర్లను క్లియర్ చేయాలంటే, ఈ మోడల్ ఉత్పత్తి సామర్థ్యాన్ని కూడా పెంచాల్సిన అవసరం ఉన్న నేపథ్యంలో, మానేసర్ ప్లాంటుతో పాటుగా గుర్గావ్ ప్లాంటులో కూడా స్విఫ్ట్ డిజైర్ కార్లను ఉత్పత్తి చేస్తున్నట్లు కంపెనీ పేర్కొంది. ప్రస్తుతం గుర్గావ్ ప్లాంటులో పాత వెర్షన్ స్విఫ్ట్ డిజైర్ (టాక్సీ టూరర్)ను కంపెనీ ఉత్పత్తి చేస్తోంది. గతంలో మానేసర్ ప్లాంటులో నెలల తరబడి సమ్మె జరిగినప్పుడు కూడా స్విఫ్ట్ ఆర్డర్లను క్లియర్ చేసేందుకు గాను కంపెనీ గుర్గావ్ ప్లాంటులో ఈ మోడల్ను ఉత్పత్తి చేసిన సంగతి తెలిసిందే.
Continue with Google