సిటీ బస్‌ను విడుదల చేసిన మెర్సిడెస్ బెంజ్ ఇండియా

Published: Friday, March 9, 2012, 17:09 [IST]

ఇప్పటి వరకూ వోల్వో సిటీ బస్సుల్లో మాత్రమే ప్రయాణం చేశాం. ఇకపై మెర్సిడెస్ బెంజ్ సిటీ బస్సులో కూడా ప్రయాణం చేయబోతున్నాం. ప్రస్తుతం మన దేశంలో మెర్సిడెస్ బెంజ్‌లు అందుబాటులో ఉన్నప్పటికీ వాటిళ్లో ప్రయాణం మాత్రం కాస్తంత ఖరీదుతో కూడుకున్నది. పైపెచ్చు ఇవి దూర ప్రయాణాలకు మాత్రమే అందుబాటులో ఉంటాయి, సిటీ ప్రయాణాలకు అందుబాటులో ఉండవు.

అయితే, ఇప్పుడు తాజాగా.. వోల్వో ఇండియా అందిస్తున్న సిటి బస్సులను సవాల్ చేస్తూ మెర్సిడెస్ బెంజ్ ఇండియా సిటీ బస్సులను ప్రవేశపెట్టింది. ఇంట్రా-సిటీ బస్ సెగ్మెంట్లో మెర్సిడెస్ బెంజ్ సిటీ బస్సులను ప్రవేశపెడుతున్నట్లు ప్రకటించింది. కంపెనీ అందిస్తున్న ఈ 37-సీటర్ లో-ఎంట్రీ బస్సు ప్రారంభ ధర రూ.90 లక్షలు (ఎక్స్-ఫ్యాక్టరీ, పూణే)గా ఉన్నట్లు మెర్సిడెస్ బెంజ్ తెలిపింది.

ఈ సిటీ బస్సులో 7200 సీసీ ఇంజన్‌ను ఉపయోగించారు. ఇది 252 బిహెచ్‌పిల శక్తిని విడుదల చేస్తుంది. పూర్తి ఎయిర్ కండిషనింగ్ సిస్టమ్‌తో ఈ సిటీ బస్సు లభిస్తుంది. ఈ బస్సుకు గేర్లు మార్చాల్సిన అవసరం లేదు. ఎందుకంటే, ఇది ఆటోమేటిక్ సస్పెన్షన్‌తో లభిస్తుంది కాబట్టి. ఇంకా ఇందులో ఎయిర్ సస్పెన్షన్, డిస్క్ బ్రేక్స్ వంటి ఫీచర్లతో లభిస్తుంది. ఇండియాలో ఏడు ప్రధాన నగరాల్లో కంపెనీ ఈ సిటీ బస్సును గడచిన సంవత్సర కాలంగా పరీక్షించింది.

Article Published On: Friday, March 9, 2012, 17:09 [IST]

English summary

Mercedes Benz has launched its city bus, targeting the short distance intra-city travel. The 37-seater, low-entry bus is priced starting at Rs 90 lakhs (ex-factory Pune).

More from DriveSpark