యూఎస్‌లో 90 వేలకు పైగా బిఎమ్‌డబ్ల్యూ మినీ కార్ల రీకాల్

Published: Monday, January 16, 2012, 12:12 [IST]

బిఎమ్‌డబ్ల్యూకు చెందిన ప్రముఖ ప్రీమియం కార్ బ్రాండ్ మినీకు ఇప్పుడు పెద్ద తలనొప్పే వచ్చిపడింది. అమెరికాలో విక్రయించిన 90 వేలకు పైగా మినీ కార్లలో మంటలు తలత్తే ప్రమాదం ఉన్న కారణంగా కంపెనీ వాటిని రీకాల్ చేసింది. కారులో అమర్చిన ఆక్సలరీ వాటర్ పంప్ లోపం కారణంగా కారులో హఠాత్తుగా మంటలు చెలరేగే ఆస్కారం ఉన్నందున ఈ రీకాల్ చేస్తున్నట్లు కంపెనీ పేర్కొంది.

రీకాల్ చేసిన మోడళ్లలో మినీ కూపర్ ఎస్, కూపర్ ఎస్ క్లబ్‌మ్యాన్, కూపర్ ఎస్ కన్వర్టిబల్‌లు ఉన్నాయి. 2006వ సంవత్సరం నుండి 2011వ సంవత్సర మధ్య కాలంలో తయారైన మోడళ్లు ఈ రీకాల్‌కు వర్తించనున్నాయి. అయితే, ఈ లోపం కారణంగా ఇప్పటి వరకూ ఎలాంటి మేజర్ ప్రమాదాలు సంభవించినట్లు నమోదు కాలేదని, ముందస్తు సురక్షిత చర్యగా ఈ రీకాల్ చేస్తున్నామని మినీ ఓ ప్రకటనలో పేర్కొంది.

గడచిన 2009వ సంవత్సరం నుండి ఇప్పటి వరకూ మినీ 81 వాటర్ పంప్ ఫెయిల్యూర్ కేసులను, నాలుగు ఇంజన్ ఫైర్ కేసులను అందుకుంది. వచ్చే నెల నుండి ఈ కార్లను పరిశీలించనున్నట్లు మినీ పేర్కొంది.

Article Published On: Monday, January 16, 2012, 12:12 [IST]

English summary

Mini, the premium small car brand owned by BMW has announced the recall of more than 90,000 cars in the United States after it found some cars could face the risk of fire due to failing auxiliary water pumps. The recalled models will bi the Mini Cooper S, Cooper S Clubman and the Cooper S Convertible built from 2006 to 2011.

More from DriveSpark