మరిన్ని వేరియంట్లలో టాటా నానో కారు: రతన్ టాటా

Tata Megapixel

జెనీవాలో జరుగుతున్న 82 జెనీవా మోటార్ షోలో టాటా మోటార్స్ అభివృద్ధి మెగాపిక్సెల్ హైబ్రిడ్ కాన్సెప్ట్ కారును ఆవిష్కరించిన అనంతరం రతన్ టాటా మాట్లాడుతూ ఈ విషయాన్ని తెలిపారు. గడచిన జనవరిలో ఢిల్లీలో జరిగిన ఆటో ఎక్స్‌పోలో టాటా మోటార్స్ తమ బుజ్జి కారు నానోలో ఓ సిఎన్‌జి వేరియంట్‌ను మరొక కాన్సెప్ట్ కారును ప్రదర్శించిన సంగతి తెలిసిందే.

అంతేకాకుండా.. ఇటీవల రతన్ టాటా ఓ సందర్భంలో నానో కారు గురించి మాట్లాడుతూ.. నానో కారులో మరింత శక్తివంతమైన ఇంజన్‌ను ప్రవేశపెట్టాలని భావిస్తున్నామని కూడా అన్నారు. ప్రస్తుతం మార్కెట్లో లభిస్తున్న 2012 వెర్షన్ టాటా నానో కారులో 624సీసీ పెట్రోల్ ఇంజన్‌ను అమర్చారు. దీని ప్రారంభ ఎక్స్-షోరూమ్ ధర రూ.1.40 లక్షల నుండి రూ.1.50 లక్షల రేంజ్‌లో ఉంది.