ఇయాన్, ఆల్టో కార్లకు చెక్ పెట్టనున్న నిస్సాన్ చిన్న కారు

కాగా.. తాజాగా ఇయాన్, ఆల్టో మోడళ్ల జోరుకు చెక్ పెట్టేందుకు గానూ ఓ చిన్న కారును విడుదల చేసేందుకు జపాన్ ఆటో దిగ్గజం నిస్సాన్ కసరత్తులు చేస్తోంది. రూ.3 లక్షలకు దిగువన ఉండేలా ఓ చిన్న కారును కంపెనీ అభివృద్ధి చేస్తోంది. తక్కువ ధర కలిగిన కార్ విభాగంలో ప్రవేశించాలని కంపెనీ భావిస్తోందని నిస్సాన్ ఇండియా ఎగ్జిక్యూటివ్ వైస్ ప్రెసిడెంట్ ఆండీ పాల్మర్ మీడియాతో అన్నారు.

ప్రస్తుతం నిస్సాన్ అందిస్తున్న చిన్న కారు మైక్రాకు దిగువన కంపెనీ మరో చిన్న కారును ప్రవేశపెట్టనుంది. చెన్నైలోని నిస్సాన్-రీనాల్ట్ ప్లాంటులో మైక్రా హ్యాచ్‌బ్యాక్, సన్నీ సెడాన్ కార్లను ఉత్పత్తి చేస్తుంది. ఈ ప్లాంటుకు మరింత చౌక కార్లను ఉత్పత్తి చేసే సామర్థ్యం ఉందని, ఆ దిశగా కంపెనీ ప్రణాళికలు సిద్ధం చేస్తుందని పాల్మర్ తెలిపారు.