Click it and Unblock the Notifications
ఫ్లూయెన్స్ ఈ2 ధర తగ్గింపు; 'అడ్వాంటేజ్ ఎడిషన్' పేరుతో విడుదల
రెనో మొట్టమొదటి సారిగా ఫ్లూయెన్స్ ప్రీమియం సెడాన్ను దేశీయ విపణిలోకి విడుదల చేయటం ద్వారా భారత మార్కెట్లోకి అధికారికంగా ప్రవేశించింది. అయితే, ఈ మోడల్ను ప్రవేశపెట్టినప్పుడు దీని ధర అధికంగా ఉంటడంతో దీని అమ్మకాలు కూడా అంతంత మాత్రంగానే సాగుతున్నాయి. అందుకే, ఇప్పుడు ఫ్లూయెన్స్ మోడల్లో లభిస్తున్న ఈ2 డీజిల్ వేరియంట్ ధరను భారీగా తగ్గించి "అడ్వాంటేజ్ ఎడిషన్" పేరుతో రెనో అందిస్తోంది. ఈ వేరియంట్పై రూ.1.65 లక్షల తగ్గింపును కంపెనీ ఆఫర్ చేస్తోంది.
గతంలో రెనో ఫ్లూయెన్స్ ఈ2 డీజిల్ వేరియంట్ రూ.13.64 లక్షలకు (ఎక్స్-షోరూమ్, ఢిల్లీ)కు లభిస్తుండేది. అయితే, ఇప్పుడు ఈ వేరియంట్పై ధరను భారీగా తగ్గించడంతో 2012 అడ్వాంటేజ్ ఎడిషన్ రెనో ప్లూయెన్స్ ఈ2 డీజిల్ వేరియంట్ డి-సెగ్మెంట్ సెడాన్ కేవలం రూ.11.99 లక్షల ధరకే (ఎక్స్-షోరూమ్, ఢిల్లీ) లభిస్తుంది. ప్రస్తుతం ఇండియాలో డీజిల్ కార్లకు డిమాండ్ గణనీయంగా పెరుగుతుండటంతో ఈ సెగ్మెంట్లోని అవకాశాలను దక్కించుకునేందుకే కంపెనీ ఈ వేరియంట్ ధరను భారీగా తగ్గించింది.
డి-సెగ్మెంట్ (ప్రీమియం సెగ్మెంట్) సెడాన్లలో ధర తగ్గించబడిన రెనో ఫ్లూయెన్స్ ఈ2 డీజిల్ వేరియంట్ ధరకు తగిన విలువను కలిగి ఉంటుంది. అయితే, ఈ ఆఫర్ పరిమిత కాలం మాత్రమే లేదా స్టాక్ మిగిలి ఉన్నంత కాలం మాత్రమేనని కంపెనీ పేర్కొంది. దీనిని బట్టి చూస్తుంటే, ఫ్లూయెన్స్ ఈ2 డీజిల్ వేరియంట్ స్టాక్ను క్లియర్ చేసుకునేందుకే కంపెనీ ఈ ఆఫర్ను ప్రకటించినట్లుగా తెలుస్తోంది. ఈ వేరియంట్లో ఏబిఎస్, డ్యూయెల్ ఎయిర్బ్యాగ్స్, ఈఎస్పి, ఇంజన్ స్టార్ట్-స్టాప్ బటన్, అల్లాయ్ వీల్స్ వంటివి స్టాండర్డ్ ఫీచర్లుగా లభిస్తాయి.
ఇందులో ఉపయోగించిన 1461సీసీ 4-సిలిండర్ ఇంజన్ 106 పిఎస్ల శక్తిని, 240 ఎన్ఎమ్ల టార్క్ను ఉత్పత్తి చేస్తుంది. ఇది 6-స్పీడ్ మ్యాన్యువల్ ట్రాన్సిమిషన్ సిస్టమ్తో లభ్యమవుతుంది. ఇది లీటరు డీజిల్కు 20 కి.మీ. పైగా మైలేజీనిస్తుందని కంపెనీ పేర్కొంది.
Continue with Google