Click it and Unblock the Notifications
దబాంగ్ 2లో కరీనా ఫ్రీ ఐటమ్కు సల్మాన్ భారీ గిఫ్ట్!
బాలీవుడ్ కండల వీరుడు సల్మాన్ ఖాన్ నటించిన దబాంగ్ చిత్రం విజయవంతం కావటంతో, ఈ సినిమాకు సీక్వెల్ తీసేందుకు సన్నాహాలు జరుగుతున్నాయి. దబాంగ్ 2 పేరుతో రానున్న ఈ సినిమాలో సల్మాన్ ఖాన్ కోసం బాలీవుడ్ నటి కరీనా కపూర్ ఓ ఐటమ్ సాంగ్ను ఒక్క రూపాయి కూడా ఫీజు తీసుకోకుండా ఫ్రీగా చేసిందట. ఇందుకు మురిసిపోయిన సల్మాన్ ఖాన్, కరీనా కపూర్కు ఓ మర్చిపోలేని కానుకను బహుమతిగా ఇవ్వనున్నట్లు ప్రచారం జరుగుతోంది.
అయితే, కరీనా కపూర్ మాత్రం ఇక్కడొక మెలిక పెట్టింది. ఈ ఐటమ్ నంబర్ తాను కోరుకున్నట్లుగా తీయాలని, అంతేకాకుండా.. ఈ సినిమాలో ఇది అత్యంత ముఖ్యమైన పార్ట్గా ప్రమోట్ చేయాలని ఆమె షరతు పెట్టడం జరిగింది. తొలుత ఈ ఐటమ్ సాంగ్ కోసం భారీ మొత్తంలో డబ్బును తీసుకోవాలని కరీనా నిర్ణయించుకున్నప్పటికీ, ఆ తర్వాత సల్మాన్ ఖాన్ ఆఫర్తో నయాపైసా తీసుకోకుండా సల్మాన్ ఖాన్ ఫ్రీగా ఈ ఐటమ్ నెంబర్ చేస్తున్నట్లు సమాచారం.
అత్యంత ఖరీదైన బిఎమ్డబ్ల్యూ 7-సిరీస్ కారును తన దబాంగ్ 2 సినిమాలో ఐటమ్ నెంబర్ చేస్తున్న కరీనా కపూర్ కోసం సల్మాన్ ఖాన్ కానుకగా ఇవ్వనున్నాడు. బిఎమ్డబ్ల్యూ 7-సిరీస్లో రెండు మోడళ్లు అందుబాటులో ఉన్నాయి. అందులో ఒకటి సాధారణ సెడాన్ వెర్షన్ మరొకటి హైసెక్యూరిటీ 7-సిరీస్. ఈ హై సెక్యూరిటీ 7 సిరీస్ హైప్రొఫైల్ కలిగిన సెలబ్రిటీల కోసం బిఎమ్డబ్ల్యూ డిజైన్ చేసింది.
బిఎమ్డబ్ల్యూ 7-సిరీస్ (740 ఎల్ఐ వేరియంట్) కారులో ఉపయోగించిన 2979సీసీ ఇంజన్ 240 కి.వా. గరిష్ట శక్తిని, 450 ఎన్ఎమ్ల గరిష్ట టార్క్ను ఉత్పత్తి చేస్తుంది. గరిష్టంగా గంటకు 250 కి.మీ. వేగంతో పరుగులు పెట్టే ఈ లగ్జరీ కారు కేవలం ఆరు సెండ్లలోనే 0-100 కి.మీ. వేగాన్ని అందుకుంటుంది. ఇది లీటరుకు 10 కి.మీ. మైలేజీనిస్తుంది. దేశీయ మార్కెట్లో ఈ కారు ధర రూ.86 లక్షల నుండి కోటి రూపాయల పైచిలుకే. టాక్స్ను తప్పించుకోవడానికే సల్మాన్ ఈ గిఫ్ట్ను ఇస్తున్నాడన్న వాదనలు కూడా వినిపిస్తున్నాయి.
Continue with Google