Click it and Unblock the Notifications
నానో కోసం కొత్తగా 230 ప్రత్యేక షోరూమ్లు: టాటా మోటార్స్
టాటా మోటార్స్ ముద్దుల కారు 'నానో'లో కంపెనీ ఇటీవల ప్రవేశపెట్టిన 2012 వెర్షన్ కారణంగా మార్కెట్లో ఈ మోడల్కు మంచి ఆదరణ లభిస్తుండటంతో, ఈ మోడల్ అమ్మకాలను మరింతగా పెంచుకునేందుకు కంపెనీ విస్తరణ కార్యకలాపాలపై దృష్టి సారించింది. ఇందులో భాగంగా దేశవ్యాప్తంగా ఉన్న అన్ని ప్రాంతాల్లోని ప్రజలకు టాటా నానో కారు అండుబాటులోకి తీసుకురావడానికి ఈ మోడల్ కోసం మరిన్ని ప్రత్యేక షోరూమ్లను ఏర్పాటు చేయాలని కంపెనీ నిర్ణయించింది.
ప్రస్తుతం దేశవ్యాప్తంగా టాటా నానో కోసం 120 ప్రత్యేక షోరూమ్లు (ఎక్స్క్లూజివ్ షోరూమ్స్) ఉన్నాయి. కాగా.. ప్రస్తుత సంవత్సరం ముగిసే నాటికి అదనంగా 230 షోరూమ్లను ఏర్పాటు చేయనున్నామని టాటా మోటార్స్ మేనేజింగ్ డైరెక్టర్ పిఎమ్ తెలంగ్ తెలిపారు. ఈ ఎక్స్క్లూజివ్ షోరూమ్లలో కేవలం నానో కార్లను మాత్రమే కంపెనీ విక్రయించనుంది. కంపెనీ కొత్తగా ఏర్పాటు చేయనున్న షోరూమ్లలో ఎక్కువగా టైర్2, టైర్3 నగరాలతో పాటు గ్రామీణ ప్రాంతాలు కూడా ఉంటాయని కంపెనీ తెలిపింది.
Continue with Google