బంగ్లాదేశ్‌లో జెండా పాతేందుకు సిద్ధమైన టాటా నానో..!

Gallery | More Images

అయితే, తాజాగా ఇప్పుడు ఈ కారును బంగ్లాదేశ్‌కు దిగుమతి చేసుకోనున్నామని బంగ్లాదేశ్‌లో టాటా మోటార్స్‌కు అధీకృత డిస్ట్రిబ్యూటర్ అయిన నిటోల్ మోటార్స్ చైర్మన్‌ అబ్దుల్‌ ముత్లబ్‌ అహ్మద్‌ తెలిపారు. బంగ్లాదేశ్‌లో అధిక దిగుమతి సుంకం కారణంగా విదేశాల నుంచి దిగుమతి చేసుకునే కార్లపై దిగుమతిదార్లు ఎక్కువ మొత్తంలో పన్ను చెల్లించాల్సి వుంటుంది. ఫలితంగా కార్ల ధర కూడా అధికంగా ఉంటుంది. నానో కారు బంగ్లాదేశ్‌లోకి ప్రవేశిస్తే.. అక్కడి మార్కెట్లో నానో చౌక కారుగా నిలువనుంది.

ప్రారంభ దశలో భాగంగా 2,000 నానో కార్లను బంగ్లాదేస్‌కు దిగుమతి చేసుకోనున్నామని, డిమాండ్‌ను అవసరమైతే మరిన్న కార్లను కూడా దిగుమతి చేసుకుంటామని అహ్మద్‌ తెలిపారు. ప్రస్తుతం బంగ్లాదేశ్‌లో జపాన్‌ నుంచి దిగుమతి చేసుకునే సెకండ్‌ హ్యాండ్‌ కార్లకు మంచి డిమాండ్ ఉంది. ఇవి అధిక ధరను కలిగి ఉన్నప్పటికీ వీటి నాణ్యత, విశ్వసనీయతల కారణంగా ఈ కార్లు బంగ్లాదేశ్‌లో మంచి ప్రాచుర్యాన్ని సంపాధిచుకున్నాయి. ప్రస్తుతం భారత్ నుండి అంబాసిడర్‌ కార్లు మాత్రమే టాక్సీ క్యాబ్‌లుగా ఎగుమతి అవుతున్నాయి.