సరసమైన ధరకే విలాసవంతమైన టొయోటా క్యామ్రీ విడుదల

2012 Toyota Camry

సరికొత్త టొయోటా క్యామ్రీ కోసం నేటి నుండే బుకింగ్‌లను స్వీకరిస్తామని, బుకింగ్ మొత్తం రూ.50,000 లుగా నిర్ణయించామని, అలాగే ముందుగా బుకింగ్ చేసుకున్న కస్టమర్లకు ముందుగా డెలివరీలను చేస్తామని కంపెనీ ప్రతినిధులు పేర్కొన్నారు. అయితే, వెయిటింగ్ పీరియడ్ ఖచ్చితంగా ఎన్నిరోజులు అనే విషయాన్ని మాత్రం వారు వెల్లడించలేదు.

కొత్త టొయోటా క్యామ్రీలో 2.5 లీటర్ 16 సిలిండర్ ఇంజన్‌ను ఉపయోగించారు. ఇది గరిష్టంగా 6000 ఆర్‌పిఎమ్ వద్ద 181 పిఎస్‌ల శక్తిని, 4100 ఆర్‌పిఎమ్ వద్ద 233 ఎన్ఎమ్‌ల టార్క్‌ను విడుదల చేస్తుంది. ఈ ఇంజన్ 6-స్పీడ్ ఆటోమేటిక్ ట్రాన్సిమిషన్ సిస్టమ్‌తో జతచేయబడి ఉంటుంది. అమెరికాలో బెస్ట్ సెల్లింగ్ మోడల్ అయిన టొయోటా ప్రస్తుతం సుమారు 110 దేశాల్లో లభ్యమవుతోంది. ప్రపంచ వ్యాప్తంగా 9 దేశాల్లో క్యామ్రీ కారును ఉత్పత్తి చేస్తున్నారు.

ఇండియన్ మార్కెట్లోనే టొయోటా క్యామ్రీ సెడాన్‌ను అసెంబ్లింగ్ చేయనున్నారు. టికెఎమ్‌కు బెంగుళూరులో బిడదిలో ఉన్న ప్లాంట్‌లో ఈ కారును అసెంబ్లింగ్ చేయనున్నారు. ఇందులో ఉపయోగించే విడిభాగాలలో సుమారు 10 శాతం విడిభాగాలను దేశీయ మార్కెట్‌ నుంచే కొనుగోలు చేయనున్నానుర. క్యామ్రీ అసెంబ్లింగ్ కోసం 18 కోట్ల రూపాయల పెట్టుబడిని వెచ్చించినట్లు కంపెనీ అధికారులు తెలిపారు.