మల్లికకు రోల్స్ రాయిస్ కారు ఎందుకు అమ్మనందో తెలుసా..?

Gallery | More Images

సాధారణంగా మన దేశంలో రోల్స్ రాయిస్ కార్లను ప్రముఖ సెలబ్రిటీలు మాత్రమే ఉపయోగిస్తుంటారు. రోల్స్ రాయిస్ తమ కస్టమర్లను తామే స్వయంగా ఎన్నుకుంటుంది. చివరకు టెస్ట్ డ్రైవ్ సౌకర్యం కూడా కంపెనీ ఎన్నుకున్న వారికే కల్పిస్తుందే తప్ప ఎవరికి పడితే వారికి అవకాశం ఇవ్వదు. ముఖ్యంగా సోషల్ బ్యాగ్రౌండ్ సరిగ్గా లేని వారికి కంపెనీ అసలు కార్లనే విక్రయించదు.

సాధారణ కస్టమర్లు ఎవరైనా రోల్స్ రాయిస్ కార్లను కొనడానికి షోరూమ్‌కు వెళ్తే వారి స్థాయి, పరపతిలను ఒకటికి పది సార్లు తనిఖీ చేసుకున్న తర్వాతనే కంపెనీ వారిని రిసీవ్ చేసుకుంటుంది. ఒక్కోసారి ప్రొఫైల్ సరిగ్గా లేని సెలబ్రిటీలను కూడా కంపెనీ తిరస్కరించే అవకాశం ఉంది. గతంలో ఓసారి బాలీవుడ్ ఐటమ్ గర్ల్ మల్లికా షెరావత్ రోల్స్ రాయిస్ కారును కొనడానికి ప్రయత్నిస్తే, కంపెనీ విక్రయించడానికి నిరాకరించిందట.

మరి తరతరాల ఘన చరిత్రను కలిగి రోల్స్ రాయిస్ కార్లను సొంతం చేసుకోవడమంటే చిన్న విషయం కాదు కదా..! బాలీవుడ్ తారలు సంజయ్ దత్, అమితా బచ్చన్, టాలీవుడ్ నడుటు చిరంజీవి వంటి ప్రముఖల వద్ద ఈ బ్రాండ్ కార్లు ఉన్నాయి. ప్రస్తుతం రోల్స్ రాయిస్ భారత మార్కెట్లో మూడు మోడళ్లను అందిస్తోంది. ఘోస్ట్, ఫాంటమ్, ఎక్స్‌టెండెడ్ వీల్‌బేస్ ఘోస్ట్. మన మార్కెట్లో వీటి ధరలు రెండున్నర కోట్ల రూపాయలకు పైమాటే.