2014 హ్యుందాయ్ ఎలాంట్రా/అవాంటే ఫేస్‌లిఫ్ట్ విడుదల

ఫేస్‌లిఫ్ట్ ఎలాంట్రా పొడవును స్వల్పంగా పెంచారు. ప్రస్తుతం దీని మొత్తం పొడవు 4550 మి.మీ. ఫ్రంట్ బంపర్ వద్ద 5 మి.మీ., రియర్ బంపర్ వద్ద 15 మి.మీ. పొడవును పెంచారు.

స్వల్పంగా రీడిజైన్ చేయబడిన బంపర్, ఎల్ఈడి డేటైమ్ రన్నింగ్ లైట్లతో కూడిన ప్రొజెక్టర్ హెడ్‌ల్యాంప్స్, రివైజ్డ్ ఫ్రంట్ గ్రిల్, 17 ఇంచ్ టూ టోన్ అల్లాయ్ వీల్స్ ఈ ఫేస్‌లిఫ్ట్ 2014 హ్యుందాయ్ ఎలాంట్రా ప్రీమియం సెడాన్‌లో ప్రధానంగా చెప్పుకోదగిన మార్పులు.

సెంటర్ ఎయిర్-వెంట్‌ను డ్యాష్‌బోర్డుపై రీపొజిషన్ చేశారు, అలాగే ఫ్రంట్ సెంటర్ ఆర్మ్‌‌రెస్ట్ ఎత్తును కొద్దిగా పెంచారు. వెనుక సీట్లకు చక్కగా వెంటిలేషన్ వచ్చే ఏర్పాటు చేశారు. ఎలక్ట్రానిక్ అప్‌గ్రేడ్స్ విషయానికి వస్తే, 3.5 ఇంచ్ ఓఎల్ఈడి డిస్‌ప్లే, స్మార్ట్ పార్కింగ్ అసిస్ట్ సిస్టమ్ ఇందులో ప్రధాన మార్పులు.

ఈ కొరియన్ వెర్షన్ అవాంటే (2014 ఎలాంట్రా)లో సరికొత్త డీజిల్ ఇంజన్‌‌ను ఉపయోగించనున్నారు. ఇందులో అమర్చనున్న 1.6 లీటర్ డీజిల్ ఇంజన్ గరిష్టంగా 126 హార్స్ పవర్‌ల శక్తిని ఉత్పత్తి చేస్తుంది. 2014 హ్యుందాయ్ ఎలాంట్రాకు సంబంధించిన లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూనే ఉండండి.

ప్రస్తుతం మార్కెట్లో లభ్యమవుతున్న 2013 హ్యుందాయ్ ఎలాంట్రా.

ప్రస్తుతం గ్లోబల్ మార్కెట్లలో లభ్యమవుతున్న 2013 హ్యుందాయ్ అవాంటే ప్రీమియం సెడాన్.