అప్‌గ్రేడెడ్ వోల్వో ఎస్60, వోల్వో ఎక్స్‌సి60 ఫీచర్లు, ధరలు

ఈ రెండు కార్లలో ముందు వైపు సరికొత్త డిజైన్‌ను గమనించవచ్చు. వెడల్పాటి గ్రిల్, కొత్త బంపర్ డిజైన్, కొత్త డ్యూయెల్ ఎగ్జాస్ట్ అవుట్‌లెట్, కొతత్ హెడ్‌లైట్స్ వంటి మార్పులు చేర్పులను ఈ కార్లలో గమనించవచ్చు.

ఇంటీరియర్స్ విషయానికి వస్తే, ఇందులో 7 ఇంచ్ టచ్‌స్క్రీన్ గ్లవ్ ఫ్రెండ్లీ ఇన్ఫోటైన్‌మెంట్ సిస్టమ్‌ను జోడిచారు. ఇందులోని టిఎఫ్‌టి ఇన్‌స్ట్రుమెంట్ ప్యానెల్ వోల్వో అడాప్టివ్ డిజిటల్ డిస్‌ప్లే ఫీచర్‌తో లభిస్తుంది (ఈ ఫీచర్‌ను వోల్వో వి40 క్రాస్ కంట్రీలో తొలిసారిగా పరిచయం చేశారు). స్పోర్టీ లెథర్ సీట్స్, ఆటోమేటిక్ వెర్షన్లలో స్టీరింగ్ వీల్‌పై ప్యాడల్ షిఫ్ట్ (సులువుగా గేర్లు మార్చుకునేందుకు వీలుగా ఉండే స్విచ్‌ల)ను జోడించారు.

వోల్వో ఇందులో సిటీ సేఫ్టీ ఫీచర్‌ను అప్‌డేట్ చేసింది, ఫలితంగా ఇప్పుడు సిటీలో గంటకు 50 కి.మీ. వేగం వరకు పనిచేస్తుంది. రోడ్డుపై ఏవైనా అడ్డంకులు గుర్తిస్తే, ఆటోమేటిక్‌గా బ్రేకులు పడేలా ఇందులో ఆటోమేటిక్ బ్రేకింగ్ సిస్టమ్ కూడా అందుబాటులో ఉంది.

వోల్వో ఎస్60, వోల్వో ఎక్స్‌సి60 రెండు మోడళ్లు కూడా 2.0 లీటర్ డి4 డీజిల్ ఇంజన్ (163 పిఎస్ పవర్, 400 ఎన్ఎమ్ టార్క్), 2.4 లీటర్ డి5 డీజిల్ ఇంజన్ (215 పిఎస్ పవర్, 420 ఎన్ఎమ్ టార్క్) ఆప్షన్లతో లభిస్తుంది.

వోల్వో ఎస్60 సెడాన్ ధరలు:

* వోల్వో ఎస్60 డి4 కింటెక్: రూ. 29.90 లక్షలు

* వోల్వో ఎస్60 డి4 సమ్మం: రూ. 32.50 లక్షలు

* వోల్వో ఎస్60 డి5 సమ్మం: రూ. 35.50 లక్షలు

(అన్ని ధరలు ఎక్స్-షోరూమ్, ఢిల్లీ)

వోల్వో ఎక్స్‌సి60 ధరలు:

వోల్వో ఎక్స్‌సి60 డి4 కింటెక్: రూ. 40.50 లక్షలు

వోల్వో ఎక్స్‌సి60 డి4 సమ్మం: రూ. 43.50 లక్షలు

వోల్వో ఎక్స్‌సి60 డి5 సమ్మం: రూ. 46.55 లక్షలు

(అన్ని ధరలు ఎక్స్-షోరూమ్, ఢిల్లీ)