Click it and Unblock the Notifications
న్యూయార్క్ ఆటో షో: 2015 హోండా హెచ్ఆర్-వి ఆవిష్కరణ
జపనీస్ కార్ కంపెనీ హోండా నెక్స్ట్ జనరేషన్ జాజ్ (ఫిట్) ప్లాట్ఫామ్పై తయారు చేసిన ప్రొడక్షన్ వెర్షన్ 'హోండా హెచ్ఆర్-వి' కాంపాక్ట్ ఎస్యూవీని న్యూయార్క్లో జరుగుతున్న 2014వ అంతర్జాతీయ ఆటో షోలో ఆవిష్కరించింది.
మరికొద్ది నెలల్లో హోండా హెచ్ఆర్-వి క్రాసోవర్ గ్లోబల్ మార్కెట్లలో వాణిజ్య పరంగా అందుబాటులోకి రానుంది. హోండా గతంలో జరిగిన డెట్రాయిట్ మోటార్ షోలో ఇలాంటి ఓ అర్బన్ ఎస్యూవీ కాన్సెప్ట్ను ప్రదర్శించిన సంగతి తెలిసినదే.
హోండా హెచ్ఆర్-వి డైమండ్ ఆకారపు హెడ్లైట్లు, సరికొత్త ఫ్రంట్ గ్రిల్తో ఆకర్షనీయమైన ఫ్రంట్ డిజైన్ను కలిగి ఉంటుంది. షెవర్లే బీట్ మాదిరిగా వెనుక డోర్ హ్యాండిల్స్ను, వెనుక డోరు అద్దానికి చివరి భాగంలో అమర్చబడి ఉంటాయి.
హోండా హెచ్ఆర్-విలో 1.5 లీటర్ ఫోర్ సిలిండర్ డైరెక్ట్ ఇంజెక్టెడ్ పెట్రోల్ ఇంజన్ను ఉపయోగించనున్నారు. ఈ ఇంజన్ సివిటి ఆటోమేటిక్ ట్రాన్సిమిషన్తో అనుసంధానం చేయబడి ఉంటుంది. ఇందులో టర్బోచార్జ్డ్ వెర్షన్ కూడా అందుబాటులోకి వచ్చే అవకాశం ఉంది.
హోండా హెచ్ఆర్-వి క్రాసోవర్ భారత్ వంటి మార్కెట్లలో కూడా లభ్యం కానుంది. ఆసియా మార్కెట్ల కోసం ఇందులో డీజిల్ ఇంజన్ వేరియంట్ను (ప్రస్తుతం సిటీ, అమేజ్లలో ఉపయోగిస్తున్న డీజిల్ ఇంజన్) కూడా పరిచయం చేసే అవకాశం ఉంది.
Continue with Google