అనతి కాలంలోనే విపరీతంగా పెరిగిన బుగట్టి చిరాన్ బుకింగ్స్

సుమారుగా 2.5 మిలియన్ డాలర్లు విలువ చేసే బుగట్టి చిరాన్‌లను ప్రపంచ వ్యాప్తంగా 280 యూనిట్లను విక్రయించడం అంత సామన్యమైన విషయం కాదని ఆటోమొబైల్ మార్కెట్ వర్గాల కథనం.

బుగట్టి సిఇఓ జిటి స్పిరిట్‌తో మాట్లాడుతూ, కస్టమర్లను చేరుకోవడంలో నూతన మార్గాలను ఎంచుకుంటున్నట్లు మరియు కొత్తగా కార్లను ఎంచుకోవాలనుకునే వారికి వాటిని నడిపి డ్రైవింగ్ అనుభవాన్ని పొందడానికి టెస్ట్ డ్రైవ్ అవకాశాన్ని కల్పిస్తున్నట్లు తెలిపాడు. వచ్చే ఏడాది మార్చి నుండి బుగట్టి చిరాన్‌లకు టెస్ట్ డ్రైవ్ అవకాశాన్ని కల్పించనున్నారు.

డిజైన్, పనితీరు మరియు వేగంతో పాటు ప్రపంచ వ్యాప్తంగా అత్యంత ప్రాముఖ్యతను కలిగి ఉండటం ద్వారా ఈ తరహా బుకింగ్స్ సామధ్యమయ్యాయని ఆయన తెలిపాడు. కేవలం తొమ్మిది నెలల కాలంలోనే ఈ తరహా విజయాన్ని అందుకోవడం చాలా ఆనందంగా ఉందని తెలిపాడు.

అయితే బుగట్టి ఈ హైపర్ కార్ల నిర్మాణాన్ని వచ్చే ఏడాది2017 నాటికి 65 యూనిట్లకు పెంచాలని చూస్తోంది. ప్రస్తుతం బుక్ చేసుకున్న వారికి వచ్చే మూడేళ్లలో డెలివరీ ఇవ్వనున్నట్లు తెలిపారు. 2017 నుండి ఉత్పత్తి అయిన కార్లను డెలివరీకి సిద్దం చేయనుంది బుగట్టి.

• వొళ్లంతా లైట్లు ఒక్క కారులో 41,999 ల ఎల్ఇడి లైట్లు
• CNG వేరియంట్ జీతో ట్రక్కు విడుదల: ప్రారంభ ధర రూ. 3.49 లక్షలు