Just In
- 4 hrs ago ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- 5 hrs ago క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- 9 hrs ago వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- 10 hrs ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
Don't Miss
- News బాలకృష్ణకు షాక్: హిందూపురంలో నామినేషన్ వేసిన స్వామి పరిపూర్ణానంద
- Lifestyle చాణక్య నీతి : పొరపాటున కూడ భార్యకు ఈ 5 విషయాలు అస్సలు చెప్పకూడదు..!
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- Movies Krishna Bhagavan: రవితేజ, వైవీఎస్ చౌదరి అలా గోడ దూకి వచ్చేవాళ్లు.. నన్ను అలా అనుకొని!
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
అప్రిలియా స్టార్మ్ 125 విడుదల ఖరారు: విడుదల తేదీ మరియు ప్రత్యేకతలు
అప్రిలియా ఈ ఏడాది ప్రారంభంలో ఢిల్లీ వేదికగా జరిగిన ఆటో ఎక్స్పో 2018లో స్టార్మ్ 125 స్కూటర్ను ఆవిష్కరించింది. అప్రిలియా స్టార్మ్ 125 తో పాటు ఎస్ఆర్ 125 స్కూటర్ను కూడా ఆవిష్కరించింది, అయితే అప్పట్లో
ఇటలీకి చెందిన దిగ్గజ టూ వీలర్ల తయారీ సంస్థ అప్రిలియా ఈ ఏడాది ప్రారంభంలో ఢిల్లీ వేదికగా జరిగిన ఆటో ఎక్స్పో 2018లో స్టార్మ్ 125 స్కూటర్ను ఆవిష్కరించింది. అప్రిలియా స్టార్మ్ 125 తో పాటు ఎస్ఆర్ 125 స్కూటర్ను కూడా ఆవిష్కరించింది, అయితే అప్పట్లోనే దీనిని రూ. 65,310 ఎక్స్-షోరూమ్(పూనే) ధరతో లాంచ్ చేసింది.
ఇప్పుడు తాజాగా, ఎస్ఆర్ 125 స్కూటర్ ఆధారంగా రూపొందించిన స్టార్మ్ 125 స్కూటర్ విడుదలకు కంపెనీ ఏర్పాట్లు పూర్తి చేసుకుంది.
సరికొత్త అప్రిలియా స్టార్మ్ 125 స్కూటర్ ఈ ఏడాది చివరిలోపు మార్కెట్లోకి విడుదలయ్యే అవకాశం ఉంది. అయితే, పలు సమస్యల కారణంగా స్టార్మ్ 125 విడుదల ఆలస్యం అవుతుందని, దీనిని విడుదల జనవరి 2019లో ఉంటుందని కొన్ని కథనాలు వస్తున్నాయి.
అప్రిలియా స్టార్మ్ 125 స్కూటర్ కంబైన్డ్ బ్రేకింగ్ సిస్టమ్(CBS) వేరియంట్ను మాత్రమే విడుదల చేయనుంది. కంపెనీ తొలుత నాన్-సిబిఎస్ వేరియంట్ను విడుదల చేయాలని భావించినప్పటికీ, ఏప్రిల్ 2019 నుండి మార్కెట్లోకి విడుదలయ్యే 125సీసీ కంటే ఎక్కువ కెపాసిటి ఉన్న టూ వీలర్లలో సిబిఎస్ తప్పనిసరి కావడంతో సిబిఎస్ ఆప్షన్లో లాంచ్ చేయాలని నిర్ణయించుకుంది.
ఒకవేళ సిబిఎస్ లేకుండా విడుదల చేయాలంటే కేవలం మూడు నెలల్లోపే విడుదల చేయాలి. అప్రిలియా కనుక సిబిఎస్ ఫీచర్ జోడింపుతో విడుదల చేస్తే సాధారణ వేరియంట్ కంటే సిబిఎస్ వేరియంట్ ధర మరింత ఎక్కువయ్యే అవకాశం ఉంది.
అప్రిలియా స్టార్మ్ 125 స్కూటర్ సాంకేతికంగా మరియు డిజైన్ పరంగా అచ్చం ఎస్ఆర్ 125 స్కూటర్నే పోలి ఉంటుంది. అయితే, నూతన పెయింట్ స్కీమ్. బాడీ గ్రాఫిక్స్, పెద్ద పరిమాణంలో ఉన్న అల్లాయ్ వీల్స్ మరియు విశాలమైన వెనుక టైరు వంటివి విభిన్నంగా ఉంటాయి.
సాంకేతికంగా అప్రిలియా స్టార్మ్ 125 స్కూటర్లో 124సీసీ కెపాసిటి గల 3-వాల్వ్ సింగల్ సిలిండర్ సీవీటీ ఇంజన్ కలదు. ఇది గరిష్టంగా 9.46బిహెచ్పి పవర్ మరియు 8.2ఎన్ఎమ్ టార్క్ ప్రొడ్యూస్ చేస్తుంది. స్టార్మ్ 125 స్పోర్టివ్ స్కూటర్లో 6.5-లీటర్ల కెపాసిటి ఫ్యూయల్ ట్యాంక్ ఉంది, అయితే ఎస్ఆర్ 125 స్కూటర్లో 7 లీటర్ల ట్యాంక్ కలదు.
అప్రిలియా స్టార్మ్ 125 స్కూటర్లో ముందువైపున 30ఎమ్ఎమ్ టెలిస్కోపిక్ ఫోర్క్స్ మరియు వెనుక వైపున ప్రిలోడ్ అడ్జెస్టబుల్ సింగల్ షాక్ అబ్జార్వర్ ఉంది. స్టార్మ్ 125 స్కూటర్ను ప్రత్యేకించి యువత కోసం డిజైన్ చేశాము మరియు పలు రకాల యాక్ససరీలను కూడా అందుబాటులో ఉంచినట్లు అప్రిలియా పేర్కొంది.
బ్రేకింగ్ డ్యూటీ కోసం ముందు వైపున డిస్క్ బ్రేక్ మరియు వెనుక వైపున డ్రమ్ బ్రేకును అందించారు. పనితీరుకు తగ్గట్లుగానే దీని బాడీ డిజైన్, కలర్ మరియు గ్రాఫిక్స్ మరింత స్పోర్టివ్ తత్వాన్ని కలిగి ఉంటాయి.
డ్రైవ్స్పార్క్ తెలుగు అభిప్రాయం!
అప్రిలియా స్టార్మ్ 125 స్కూటర్ను ఎస్ఆర్ 125 ఆధారంగా ఒకే డిజైన్ ఫిలాసఫీలో డెవలప్ చేశారు. మార్కెట్లో 125సీసీ స్కూటర్లకు డిమాండ్ పెరిగినప్పుడు తమ ప్రీమియం స్టార్మ్ 125ను లాంచ్ చేసే అవకాశం ఉంది.
అప్రిలియా స్టార్మ్ 125 స్కూటర్ ధర సుమారుగా రూ. 62,000 ఎక్స్-షోరూమ్గా ఉండే అవకాశం ఉంది మరియు ఎస్ఆర్ 125 స్కూటర్ క్రింది స్థానాన్ని భర్తీ చేస్తుంది. ఇది పూర్తి స్థాయిలో విపణిలోకి విడుదలైతే మార్కెట్లో ఉన్న టీవీఎస్ ఎన్టార్క్ 125, హోండా గ్రాజియా మరియు ఈ జూలై 19, 2018 న విడుదలవుతున్న సుజుకి బర్గ్మ్యాన్ స్ట్రీట్ స్కూటర్ల నోరు మూయించనుంది.