Just In
- 7 min ago సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- 2 hrs ago హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- 4 hrs ago బుల్లితెర నటి 'ప్రజ్ఞా భట్' కొత్త కారు చూసారా.. ధర ఎంతో తెలుసా?
- 4 hrs ago జనరల్ టికెట్ ప్యాసింజర్స్తో ఫుల్ రష్గా రిజర్వ్డ్ కోచ్లు.. ప్రయాణికుడి కంప్లెయింట్, రైల్వే శాఖ సీరియస్
Don't Miss
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- News పవన్కు బిగ్ షాక్..వైసీపీలోకి జనసేన కీలక నేత
- Finance HUL News: ఆ వ్యాపారం నుంచి తప్పుకుంటున్న హిందుస్థాన్ యూనీలివర్.. 20 ఏళ్ల తర్వాత..
- Movies లవ్ సీక్రెట్స్ బయటపెట్టిన బిగ్ బాస్ బ్యూటీ దివి... ఓన్లీ మగవారి కోసమే అంటూ!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
2018 మారుతి సియాజ్ ఫేస్లిఫ్ట్ లాంచ్ డేట్ ఖరారు
మారుతి సుజుకి తమ 2018 మారుతి సియాజ్ ఫేస్లిఫ్ట్ కారుకు ఇండియన్ రోడ్ల మీద పలు దఫాలు రహస్యంగా పరీక్షలు నిర్వహించింది. అయితే, తాజాగా అందిన సమాచారం మేరకు, సరికొత్త 2018 మారుతి సియాజ్ ఫేస్లిఫ్ట్ వెర్షన్ ఆ
దేశీయ అగ్రగామి ప్యాసింజర్ కార్ల తయారీ సంస్థ మారుతి సుజుకి తమ 2018 మారుతి సియాజ్ ఫేస్లిఫ్ట్ కారుకు ఇండియన్ రోడ్ల మీద పలు దఫాలు రహస్యంగా పరీక్షలు నిర్వహించింది. అయితే, తాజాగా అందిన సమాచారం మేరకు, సరికొత్త 2018 మారుతి సియాజ్ ఫేస్లిఫ్ట్ వెర్షన్ ఆగష్టు 6, 2018 న విపణిలోకి విడుదలవుతున్న తెలిసింది.
మారుతి సియాజ్ ఫేస్లిఫ్ట్ వెర్షన్లో కాస్మొటిక్ అప్డేట్స్ మరియు మెకానికల్ మార్పులు చోటు చేసుకుంటున్నాయి. అయితే, కొత్త తరం 2018 మారుతి సియాజ్ ఫేస్లిఫ్ట్ డిజైన్ పరంగా ఎలాంటి మార్పులు సంభవించలేదు.
అయితే, మునుపటి సియాజ్తో పోల్చుకుంటే స్వల్ప మార్పులు గుర్తించే విధంగా, నూతన ఫ్రంట్ బంపర్, గ్రిల్, కొత్తగా రూపొందించిన హెడ్ ల్యాంప్స్, మరియు పగటి పూట వెలిగే ఎల్ఇడి లైట్ల జోడింపుతో సియాజ్ ఫ్రంట్ ఎండ్ చాలా కొత్తగా ఉంది.
సరికొత్త 2018 మారుతి సియాజ్ ఫేస్లిఫ్ట్ సైడ్ డిజైన్లో ఎలాంటి మార్పులు జరగలేదు. కానీ, సరికొత్త డిజైన్లో ఉన్న అల్లాయ్ వీల్స్ పరిచయం అయ్యే అవకాశం ఉంది. సియాజ్ ఫేస్లిఫ్ట్ రియర్ డిజైన్లో అధునాతన టెయిల్ లైట్ క్లస్టర్ మరియు స్టైలిష్ ఎల్ఈడీ లైటింగ్ ఎలిమెంట్లు ఉన్నాయి.
2018 మారుతి సియాజ్ ఫేస్లిఫ్ట్ ఇంటీరియర్లో అదే మునుపటి డిజైన్ పాటిస్తూనే, పలు కీలకమైన మార్పులు సంభవించాయి. డ్యాష్బోర్డు మరియు డోర్లకు లోపలి వైపున కలప సొబగులను జోడించి ఇంటీరియర్లో లగ్జరీ ఫీల్ కలిగించారు. అదనంగా, ఆటోమేటిక్ క్లైమేట్ కంట్రోల్, లెథర్ సీట్ అప్హోల్స్ట్రే, క్రూయిజ్ కంట్రోల్ మరియు 7-అంగుళాల పరిమాణంలో ఉన్న ఇన్ఫోటైన్మెంట్ సిస్టమ్ వంటివి ఉన్నాయి.
ఫేస్లిఫ్ట్ వెర్షన్లో సియాజ్ సెడాన్ కారులో వస్తోన్న అతి ప్రధానమైన మార్పులు, నూతన ఇంజన్ పరిచయం కావడం. అవును, మారుతి సుజుకి తమ 2018 సియాజ్ ఫేస్లిఫ్ట్ వెర్షన్లో 1.5-లీటర్ కెపాసిటి గల సరికొత్త పెట్రోల్ ఇంజన్ అందిస్తోంది.
1.5-లీటర్ పెట్రోల్ ఇంజన్ మునుపటి 1.4-లీటర్ పెట్రోల్ యూనిట్ స్థానాన్ని భర్తీ చేయనుంది. 103బిహెచ్పి పవర్ మరియు 138ఎన్ఎమ్ టార్క్ ప్రొడ్యూస్ చేయగల ఇది సుజుకి వారి మైల్డ్ హైబ్రిడి టెక్నాలజీతో లభించనుంది.
2018 మారుతి సియాజ్ ఫేస్లిఫ్ట్ నూతన పెట్రోల్ ఇంజన్తో పాటు అదే మునుపటి 1.3-లీటర్ డీజల్ ఇంజన్తో వస్తోంది. రెండు ఇంజన్ ఆప్షన్లను కూడా 5-స్పీడ్ మ్యాన్యువల్ గేర్బాక్స్ అనుసంధానంతో లభ్యమవుతాయి. గతంలో ఉన్నటువంటి 4-స్పీడ్ ఆటోమేటిక్ ట్రాన్స్మిషన్కు బదులుగా సరికొత్త ఆటోమేటిక్ గేర్బాక్స్ వస్తోంది.
డ్రైవ్స్పార్క్ తెలుగు అభిప్రాయం!
పాత మోడళ్ల ప్రక్షాళనలో భాగంగా మారుతి సుజుకి తమ సియాజ్ సెడాన్ కారును ఫేస్లిఫ్ట్ వెర్షన్లో సిద్దం చేసింది. పైపై మెరుగులు కాకుండా, డిజైన్, ఫీచర్లు, ఇంజన్ మరియు టెక్నికల్గా భారీ మార్పులు చేర్పులతో సియాజ్ ఫేస్లిఫ్ట్ను అభివృద్ది చేసింది. సుజుకి వారి హైబ్రిడ్ టెక్నాలజీతో పరిచయం అవుతున్న సియాజ్ ఈ ఏడాది పండుగ సీజన్ నాటికల్లా విడుదల కానుంది.
2018 మారుతి సుజుకి సియాజ్ ఫేస్లిఫ్ట్ పూర్తి స్థాయిలో విపణిలోకి విడుదలైతే మార్కెట్లో ఉన్న హోండా సిటీ, హ్యుందాయ్ వెర్నా, టయోటా యారిస్, స్కోడా ర్యాపిడ్ మరియు వోక్స్వ్యాగన్ వెంటో వంటి మోడళ్లకు గట్టి పోటీనిస్తుంది.
Source: ZigWheels