Just In
- 14 min ago క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- 3 hrs ago వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- 4 hrs ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
- 5 hrs ago మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
Don't Miss
- News తెలంగాణలో వచ్చే రెండు రోజులు వానలు: ఆ తర్వాత తీవ్రమైన ఎండలు, ఎల్లో అలర్ట్
- Sports ఆ భారత కుర్రాడు మామూలోడు కాదు- లారా
- Technology స్మార్ట్వాచ్ సెగ్మెంట్లోకి ప్రముఖ సంస్థ.. 8 రోజుల బ్యాటరీ లైఫ్, హెల్త్ ట్రాకర్లతో ProWatch విడుదల..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Movies Jai HanuMan హనుమాన్ జయంతి రోజున.. కళ్లు చెదిరేలా జై హనుమాన్ 3డీ పోస్టర్ రిలీజ్
- Lifestyle నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
2018 మారుతి ఎర్టిగా ఫేస్లిఫ్ట్కు తుది పరీక్షలు
భారతదేశపు అగ్రగామి ప్యాసింజర్ కార్ల తయారీ సంస్థ మారుతి సుజుకి అతి త్వరలో సరికొత్త 2018 ఎర్టిగా ఫేస్లిఫ్ట్ ఎమ్పీవీని విడుదల చేసేందుకు సన్నాహాలు ప్రారంభించింది. గత కొన్ని నెలలుగా ఇండియన్ రోడ్ల మీద పల
భారతదేశపు అగ్రగామి ప్యాసింజర్ కార్ల తయారీ సంస్థ మారుతి సుజుకి అతి త్వరలో సరికొత్త 2018 ఎర్టిగా ఫేస్లిఫ్ట్ ఎమ్పీవీని విడుదల చేసేందుకు సన్నాహాలు ప్రారంభించింది. గత కొన్ని నెలలుగా ఇండియన్ రోడ్ల మీద పలు దఫాలు రహదారి పరీక్షలు నిర్వహించిన మారుతి బృందం, ఇప్పుడు ఎర్టిగా ఫేస్లిఫ్ట్కు తుది దశ పరీక్షలు నిర్వహించింది.
ఇంటీరియర్ మరియు ఎక్ట్సీరియర్ డిజైన్ అంశాల గుర్తించడానికి వీల్లేకుండా, నలుపు రంగు పేపరుతో కప్పేసిన ఎర్టిగా ఫేస్లిఫ్ట్కు తుది పరీక్షలు నిర్వహిస్తున్నపుడు రహస్యంగా పట్టుబడింది.
ఎర్టిగా ఫేస్లిఫ్ట్ ఎమ్పీవీ ఫ్రంట్ డిజైన్లో అధునాతన ఫ్రంట్ గ్రిల్, హెడ్ లైట్లు, టెయిల్ ల్యాంప్స్, ఫాగ్ ల్యాంప్స్ మరియు రీడిజైన్ చేయబడిన బంపర్ గమనించవచ్చు.
మారుతి ఎర్టిగా ఫేస్లిఫ్ట్ రియర్ డిజైన్ విషయానికి వస్తే, కొత్తగా రూపొందించిన టెయిల్ లైట్లు, స్టాప్ లైట్ మరియు సరికొత్త బంపర్ ఉన్నాయి. బంపర్ మీద ఏర్పాటు చేసిన బాక్స్ వెహికల్ యొక్క ఉద్గారాలను పరీక్షించే పరికరం. ప్రస్తుతం దీని ఉద్గార వివరాలను లెక్కబెట్టే పనిలో ఉన్నారు.
సరికొత్త మారుతి ఎర్టిగా ఫేస్లిఫ్ట్ సాంకేతికంగా 1.5-లీటర్ కెపాసిటి గల అధునాతన పెట్రోల్ ఇంజన్ రానుంది. 5-స్పీడ్ మ్యాన్యువల్ లేదా ఆటోమేటిక్ గేర్బాక్స్ అనుసంధానంతో లభించే ఇది గరిష్టంగా 103బిహెచ్పి పవర్ మరియు 138ఎన్ఎమ్ టార్క్ ప్రొడ్యూస్ చేస్తుంది. మారుతి ఇటీవల విడుదల చేసిన సియాజ్ ఫేస్లిఫ్ట్లో కూడా ఇదే ఇంజన్ ఉంది.
ఎర్టిగా ఫేస్లిఫ్ట్ డీజల్ ఇంజన్ విషయానికి వస్తే, అదే మునుపటి 1.5-లీటర్ డీజల్ ఇంజన్ యథావిధిగా వస్తోంది. అయితే, దీనిని కేవలం 6-స్పీడ్ మ్యాన్యువల్ గేర్బాక్స్తో మాత్రమే ఎంచుకోవచ్చు.
ప్రస్తుతం ఉన్న ఎర్టిగా పోల్చుకుంటే ఎర్టిగా ఫేస్లిఫ్ట్ ఎమ్పీవీలో అత్యాధునిక ఫీచర్లు పరిచయం అవుతున్నాయి. ప్రత్యేకించి దీనిని, డిజైర్, స్విఫ్ట్ మరియు బాలెనో కార్లను నిర్మించిన హార్టెక్ ఫ్లాట్ఫామ్ మీద నిర్మించారు. దీంతో అత్యంత విశాలమైన క్యాబిన్ స్పేస్ సాధ్యమైంది.
ఫీచర్ల విషయానికి వస్తే, సరికొత్త ఎర్టిగా ఫేస్లిఫ్ట్ ఎమ్పీవీలో ప్రొజెక్టర్ హెడ్ల్యాంప్స్, ఎల్ఈడీ టెయిల్ ల్యాంప్ క్లస్టర్, 16-అంగుళాల అల్లాయ్ వీల్స్, 7-అంగుళాల పరిమాణంలో ఉన్న టచ్స్క్రీన్ ఇన్ఫోటైన్మెంట్ సిస్టమ్, విలాసవంతమైన అప్హోల్స్ట్రే వంటి ఫీచర్లు వస్తున్నాయి.
భద్రత పరంగా ఇందులో డ్యూయల్ ఫ్రంట్ ఎయిర్ బ్యాగులు, యాంటీ-లాక్ బ్రేకింగ్ సిస్టమ్, ఎలక్ట్రానిక్ బ్రేక్-ఫోర్స్ డిస్ట్రిబ్యూషన్ మరియు ఐఎస్ఒఫిక్స్ చైల్డ్ సీట్ మౌంట్స్ వంటివి దాదాపు అన్ని వేరియంట్లలో తప్పనిసరిగా పరిచయం చేసే అవకాశం ఉంది.
తెలుగు డ్రైవ్స్పార్క్ అభిప్రాయం!
ఫ్యామిలీ అవసరాల కోసం బడ్జెట్ ధరలో అత్యంత విలాసవంతమైన మరియు సౌకర్యవంతమైన ఫీచర్లతో ఎమ్పీవీని అందుబాటులోకి తీసుకొచ్చే ఉద్దేశ్యంతో మారుతి సుజుకి తమ ఎర్టిగా ఎమ్పీవీని భారీ మార్పులు చేర్పులతో ఫేస్లిఫ్ట్ వెర్షన్లో ప్రవేశపెట్టేందుకు తుది దశ పరీక్షలను పూర్తి చేసుకుని విడుదలకు ఏర్పాట్లు ప్రారంభించింది.
2018 మారుతి ఎర్టిగా ఫేస్లిఫ్ట్ ఒక్కసారి విడుదలైతే, విపణిలో ఉన్న టయోటా ఇన్నోవా క్రిస్టా, అతి త్వరలో విడుదల కానున్న మహీంద్రా మరాజొ, రెనో లాజీ మరియు హోండా బిఆర్-వి వంటి మోడళ్లకు గట్టి పోటీనిస్తుంది.
Source: Rushlane