ఇండియన్ మార్కెట్లో ఇన్నోవాకి ప్రత్యర్థిగా హైమా 7 ఎక్స్ నిలుస్తుందా!

గత సంవత్సరం చైనాలో మాత్రమే వెల్లడించిన 7 ఎక్స్ ఇప్పుడు దీని పరిధిని పెంచుకోవడం కోసం ఇండియన్ మార్కెట్లోకి అడుగుపెట్టింది. ఇది చూడటానికి ఆకర్షణీయంగా మాత్రమే కాకుండా వినియోదారుని చాల అనుకూలంగా కూడా ఉంటుంది.

7 ఎక్స్ వాహనంలో స్లిమ్ హెడ్‌లైట్లు, పెద్ద టెయిల్-లాంప్స్ మరియు విండ్‌షీల్డ్ పైభాగంలో బ్లాక్-ఫినిష్డ్ ఇంటిగ్రేటెడ్ స్పాయిలర్ ఉంటాయి. వెహికల్ లోపల డాష్‌బోర్డ్ డ్యూయల్ డిజిటల్ డిస్ప్లేలు కూడా ఉంటాయి.

ఇందులో సెంటర్ కన్సోల్ సిట్ కంట్రోల్, హై సెంట్రల్ ఫ్లోర్ కన్సోల్, ఇన్ఫోటైన్‌మెంట్ సిస్టమ్, పనోరమిక్ సన్‌రూఫ్‌, లెదర్ అప్హోల్స్టరీ ఉంటాయి. హైమా 7 ఎక్స్ ఏడు సీట్ల లేఅవుట్తో వస్తుంది.

హైమా 7 ఎక్స్ ఎంపివి కొలతలను గమనించినట్లయితే 4,815 మిమీ పొడవు, 1,874 మిమీ వెడల్పు మరియు 2860 మిమీ వీల్ బేస్ కలిగి ఉంటాయి. వీల్‌బేస్ మరియు పొడవు పరంగా చూసినప్పుడు ఇన్నోవా క్రిష్టా కంటే వెడల్పుగా ఉన్నప్పటికీ 7 ఎక్స్ కంటే ఇన్నోవా క్రిష్టా పొడవుగా ఉంటుంది.

హైమా 7 ఎక్స్ ఎంపివి 1.6 లీటర్ టర్బో పెట్రోల్ మోటార్ ని కలిగి ఉంటుంది. ఇది 190 హెచ్‌పి మరియు 293 ఎన్ఎమ్ టార్క్ని ఉత్పత్తి చేస్తుంది. ఇది 8 ఎస్ మాదిరిగానే 7ఎక్స్ ఎంపివి మూడు డ్రైవింగ్ మోడ్ లను కలిగి ఉంటుంది. ఇది 6-స్పీడ్ ఆటోమేటిక్ గేర్‌బాక్స్‌తో జతచేయబడుతుంది.

హైమా ఇండియాలో తన ఎంట్రీ కోసం ఎంపికలను అన్వేషిస్తుంది. ఇంకా వీటి మోడల్స్ గురించి పూర్తి సమాచారం ఇవ్వలేదు. ఏదేమైనా ఇండియన్ మార్కెట్లో వీటిని వినియోగదారులకు అనుకూలంగా ప్రవేశపెట్టనుంది.