10 సంవత్సరాల తర్వాత మళ్ళీ విఫణిలోకి హమ్మర్ ఎలక్ట్రిక్ ఎస్‌యూవీ

హమ్మర్ ని కొత్తగా మార్కెట్లోకి ప్రవేశపెట్టే దిశలో దీనికి కొన్ని నవీనీకరణలు జరగనున్నాయి. ఇప్పుడు రాబోతున్న హమ్మర్ ఎలక్ట్రిక్ ఎస్‌యూవీగా మార్కెట్లో అడుగుపెట్టనుంది. ఇది ఒక్క ఎలక్ట్రిక్ వాహనం మాత్రమే కాదు అత్యంత శక్తివంతమైన వాహనం కూడా.

కొత్త ఎలక్ట్రిక్ హమ్మర్ 1000 గుర్రాల శక్తిని కలిగి ఉంటుంది. అంటే కాకుండా 15,000 ఎన్ఎమ్ టార్క్ ని దాని చక్రాలకు అందించగలదని జిఎం పేర్కొంది. ఇది అమెరికా ప్రమాణాల పరంగా చూసినట్లయితే ఇది 15,574 ఎన్ఎమ్ టార్క్ లేదా 11,500 పౌండ్ల టార్క్ ని ఉత్పత్తి చేస్తుందని తెలుస్తుంది.

దీని ఆన్-రోడ్ పనితీరు కూడా ఇతర వాహనాలకంటే మెరుగైనదిగా ఉంటుంది. ఇది 3 సెకన్ల కాలంలో 0-100 కిలోమీటర్ల పరిధిని చేరుకోగలదు.

2009 లో కొన్ని పరిస్థితుల వల్ల తక్కువ అమ్మకాలను చేపట్టడమే కాకుండా, 2010 కల్లా హమ్మర్ యొక్క ఉత్పత్తి నిలిచిపోయింది. దాదాపు 10 సంవత్సరాల తరువాత జిఎం ఇప్పుడు ఆల్-ఎలక్ట్రిక్ పవర్‌ట్రైన్ లైనప్‌తో బ్రాండ్‌ను తిరిగి ప్రారంభిస్తోంది. అయితే ఇప్పుడు సాంప్రదాయిక ఐసి ఇంజిన్‌లతో నడిచే హమ్మర్లను తీసుకురావడం లేదని జిఎం ధృవీకరించింది. రాబోయే కాలానికి అనుగుణంగా దీనిని ఎలక్ట్రిక్ వాహనంగా తయారు చేస్తోంది.

ఎలక్ట్రిక్ హమ్మర్ కి సంబంధించిన ఒక వీడియో మనకు ఇక్కడ కనిపిస్తుంది. ఈ వీడియో ప్రకారం రానున్న హమ్మర్ ఎలక్ట్రిక్ వాహనమే అని స్పష్టమవుతోంది. అంతే కాకుండా చాల కాలంగా పతనంతో ఉన్న ఈ వాహనాలు 2021 కి మార్కెట్లోకి రానున్నాయి.

ఈ ఎలక్ట్రిక్ హమ్మర్ గురించి మనకు అన్ని వివరాలు ఇంకా తెలియరాలేదు. కానీ ధర మరియు ఇతర వివరాలు ఉత్పత్తి యొక్క అధికారిక ప్రవేశానికి దగ్గరగా ఉంటాయి. మార్కెట్లో మళ్ళీ హమ్మర్ వాహనాలు తమ గత వైభవాన్ని పొందుతాయని అని మాత్రం ఆశించవచ్చు.