Just In
- 1 hr ago నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- 2 hrs ago సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- 4 hrs ago హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- 6 hrs ago బుల్లితెర నటి 'ప్రజ్ఞా భట్' కొత్త కారు చూసారా.. ధర ఎంతో తెలుసా?
Don't Miss
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- News నన్ను చంపేస్తామని బెదిరిస్తున్నారు, మంత్రి సంచలన వ్యాఖ్యలు, ఇది వాళ్లపనే అని నాకు తెలుసు !
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- Movies Adivi Sesh: "అకీరాతో స్నేహం అలా కుదిరింది.. కచ్చితంగా అతడితో సినిమా చేస్తా"
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
జీప్ కంపాస్ బిఎస్6 డీజల్ వేరియంట్ లాంచ్: ధర మరియు ఫోటోలు
జీప్ ఇండియా మార్కెట్లోకి సరికొత్త బిఎస్6 కంపాస్ డీజల్ ఆటోమేటిక్ వేరియంట్ను లాంచ్ చేసింది. జీప్ కంపాస్ ఆటోమేటిక్ బిఎస్6 వెర్షన్ ప్రారంభ ఎక్స్-షోరూమ్ ధర రూ. 21.96 లక్షలుగా ఉన్నట్లు జీప్ ప్రతినిధులు వెల్లడించారు.
సరికొత్త డీజల్-ఆటోమేటిక్ ఇంజన్ ఆప్షన్ ఇప్పుడు జీప్ కంపాస్లోని లాంగిట్యూడ్ మరియు లిమిటెడ్ ప్లస్ వేరియంట్లలో లభిస్తోంది. జీప్ కంపాస్ టాప్ ఎండ్ వేరియంట్ లిమిటెడ్ ప్లస్ డీజల్ ఆటోమేటిక్ ధర రూ. 24.99 లక్షలు ఎక్స్-షోరూమ్ (ఢిల్లీ)గా ఉంది.
జీప్ కంపాస్ స్టార్టింగ్ వేరియంట్తో పోల్చుకుంటే కంపాస్ లిమిటెడ్ ప్లస్ డీజల్ వేరియంట్ ధర సుమారు 4 లక్షల అధికంగా ఉంది. నూతన 9-స్పీడ్ ఆటోమేటిక్ గేర్బాక్స్ జోడింపుతో పాటు లాంగిట్యూడ్ మరియు లిమిటెడ్ ప్లస్ రెండు వేరియంట్లలో కూడా అతి త్వరలో అమల్లోకి రానున్న బిఎస్6 ప్రమాణాలకు అనుగుణంగా ఇంజన్ అప్డేట్ చేశారు.
జీప్ ఇండియా ఈ డీజల్-ఆటోమేటిక్ ఇంజన్ ఆప్షన్ను కంపాస్ ట్రయల్హాక్ మోడల్లో మాత్రమే అందిస్తోంది. 2019 మధ్య భాగంలో జీప్ కంపాస్ ట్రయల్హాక్ ఇంటర్నేషనల్ మోడల్ను రూ. 26.80 లక్షల ఎక్స్-షోరూమ్(ఢిల్లీ) ధరతో ప్రవేశపెట్టింది.
జీప్ కంపాస్ లాంగిట్యూడ్ మరియు లిమిటెడ్ ప్లస్ వేరియంట్లలో కూడా కంపాస్ ట్రయల్హాక్లో ఉన్నటువంటి అదే 2.0-లీటర్ 9-స్పీడ్ ఆటోమేటిక్ గేర్బాక్స్ అనుసంధానం గల డీజల్ ఇంజన్ అందించారు. ఇంజన్ ప్రొడ్యూస్ చేసే 173బిహెచ్పి పవర్ మరియు 350ఎన్ఎమ్ టార్క్ ఆల్-వీల్ డ్రైవ్ సిస్టమ్ ద్వారా అన్ని చక్రాలకు అందుతుంది.
కొత్త ఇంజన్ ఆప్షన్ పరిచయం చేయడం మినహాయిస్తే లాంగిట్యూడ్ మరియు లిమిటెడ్ ప్లస్ వేరియంట్లలో ఎలాంటి మార్పులు జరగలేదు. రెండింటిలో కూడా ఎన్నో అత్యాధునిక ఫీచర్లు, సేఫ్టీ మరియు టెక్నాలజీని అందించారు.
పానొరమిక్ సన్రూఫ్, ఎల్ఈడీ హెడ్ల్యాంప్స్, ఆటోమేటిక్ వైపర్లు, 6 ఎయిర్ బ్యాగులు, 8-దిశలలో అడ్జెస్ట్ చేసుకునే సౌలభ్యం ఉన్న ఎలక్ట్రానిక్ డ్రైవర్ సీటు, 8.4-ఇంచుల టచ్స్క్రీన్ ఇన్ఫోటైన్మెంట్ సిస్టమ్ మరియు జీప్ వారి U-కనెక్ట్ టెక్నాలజీ వంటివి వచ్చాయి.
డ్రైవ్స్పార్క్ తెలుగు అభిప్రాయం!
జీప్ ఇండియా గత ఏడాది మార్కెట్లోకి విడుదల చేసిన ట్రయల్హాక్లో మాత్రమే లభించే డీజల్-ఆటోమేటిక్ ఇంజన్ ఆప్షన్ను ఇప్పుడు జీప్ కంపాస్ లోయర్ ఎండ్ వేరియంట్లలో కూడా అందుబాటులోకి వచ్చంది. జీప్ కంపాస్ ప్రీమియం మిడ్-సైజ్ ఎస్యూవీ కియా సెల్టోస్, ఎంజీ హెక్టర్, టాటా హ్యారియర్ మరియు మహీంద్రా ఎక్స్యూవీ500 మోడళ్లకు గట్టి పోటీనిస్తుంది.