Just In
- 24 min ago ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- 1 hr ago క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- 5 hrs ago వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- 6 hrs ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
Don't Miss
- News రైతు రుణమాఫీ చేస్తే పార్టీని రద్దు చేసుకుంటావా? హరీష్ కు రేవంత్ రెడ్డి ప్రతిసవాల్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Movies Jai HanuMan హనుమాన్ జయంతి రోజున.. కళ్లు చెదిరేలా జై హనుమాన్ 3డీ పోస్టర్ రిలీజ్
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
కియా సోనెట్ కాంపాక్ట్ ఎస్యూవీ ఇంజన్స్, వేరియంట్స్ వివరాలు లీక్!
కొరియన్ కార్ బ్రాండ్ కియా మోటార్స్ ఇటీవలే ఆవిష్కరించిన సరికొత్త కాంపాక్ట్ ఎస్యూవీ కియా సోనెట్ భారత మార్కెట్లో విడుదల కావటానికి ముందే ఇందులోని వేరియంట్లు, కొలతలు, ఇంజన్ మరియు గేర్బాక్స్ ఆప్షన్ వివరాలు లీక్ అయ్యాయి. కియా మోటార్స్కు సోనెట్ కాంపాక్ట్ ఎస్యూవీ భారత మార్కెట్లో బ్రాండ్ యొక్క మూడవ ఉత్పత్తిగా విడుదల కానుంది. ఇది ఇక్కడి నుండి ఇతర అంతర్జాతీయ మార్కెట్లకు కూడా ఎగుమతి కానుంది.
రష్లేన్ లీక్ చేసిన సమాచారం ప్రకారం, కియా సోనెట్ కారును రెండు పెట్రోల్ మరియు రెండు డీజిల్ ఇంజన్ ఆప్షన్లతో విడుదల చేయనుంది. క్యూబిక్ కెపాసిటీ పరంగా, పెట్రోల్ ఇంజన్లు వేరువేరుగా ఉంటాయి. అయితే, డీజిల్ ఇంజన్లు క్యూబిక్ కెపాసిటీలో ఒకే విధంగా ఉంటాయి, కాకపోతే ఇవి విభిన్న టర్బో టెక్నాలజీని కలిగి ఉంటాయి.
ఇందులోని 1.5-లీటర్ డీజిల్ ఇంజన్లలో (డబ్ల్యుజిటి) వేస్ట్-గేట్ టర్బో మరియు (విజిటి) వేరియబుల్ జియోమెట్రీ టర్బో టెక్నాలజీలు ఉంటాయి. ఇందులో రెండవది (విజిటి) ఉన్నతమైన సాంకేతిక పరిజ్ఞానాన్ని కలిగి ఉండి, అధిక శక్తిని ఉత్పత్తి చేస్తుంది. సోనెట్లోని 1.5-లీటర్ డబ్ల్యుజిటి మరియు విజిటి డీజిల్ ఇంజన్లు వరుసగా 99 బిహెచ్పి పవర్/ 240 ఎన్ఎమ్ టార్క్ని మరియు 114 బిహెచ్పి పవర్ / 250 ఎన్ఎమ్ టార్క్ని ఉత్పత్తి చేస్తాయి.
MOST READ:ముంబై నుండి చెన్నైకి 1,350 కి.మీ నడిచిన వృద్ధుడు, ఇతని కథ వింటే మీకు కన్నీళ్లు వస్తాయి
డబ్ల్యుజిటి ఇంజన్తో కూడిన డీజిల్ను స్టాండర్డ్ సిక్స్-స్పీడ్ మాన్యువల్ ట్రాన్స్మిషన్తో అందించనుండగా, టాప్-స్పెక్ విజిటి అమర్చిన డీజిల్ ఇంజన్ను సిక్స్-స్పీడ్ టార్క్ కన్వర్టర్ ఆటోమేటిక్ గేర్బ్యాక్స్తో ఆఫర్ చేయనున్నారు.
ఇక పెట్రోల్ ఇంజన్ల విషయానికి వస్తే, ఇందులో 1.2-లీటర్ నాన్ టర్బోచార్జ్డ్ ఇంజన్ మరియు 1.0-లీటర్ టర్బో-పెట్రోల్ ఇంజన్ ఆప్షన్లు అందుబాటులో ఉండనున్నాయి. ఇందులో 1.2-లీటర్ యూనిట్ 84 బిహెచ్పి శక్తిని మరియు 115 ఎన్ఎమ్ టార్క్ని ఉత్పత్తి చేస్తుంది మరియు ఇది స్టాండర్డ్ ఫైవ్-స్పీడ్ మాన్యువల్ గేర్బాక్స్తో జతచేయబడి ఉంటుంది.
MOST READ:చిన్న నిర్లక్ష్యం ఎంత పెద్ద ప్రమాదానికి కారణమవుతుందో చూడండి
టాప్-ఎండ్ వేరియంట్లోని 1.0-లీటర్ టర్బో పెట్రోల్ ఇంజన్ గరిష్టంగా 119 బిహెచ్పి శక్తిని మరియు 172 ఎన్ఎమ్ టార్క్ని ఉత్పత్తి చేస్తుంది. ఈ ఇంజన్ సెవన్-స్పీడ్ డిసిటి ఆటోమేటిక్ లేదా సిక్స్-స్పీడ్ (ఐఎమ్టి) ఇంటెలిజెంట్ మాన్యువల్ ట్రాన్స్మిషన్తో జతచేయబడి ఉంటుంది (హ్యుందాయ్ వెన్యూలో ఉపయోగించిన ఐఎమ్టి గేర్బాక్స్).
కియా సోనెట్ కాంపాక్ట్ ఎస్యూవీ కొలతల విషయానికి వస్తే, ఇది 3995 మిమీ పొడవు, 1790 మిమీ వెడల్పు, 1647 మిమీ పొడవు మరియు 2500 మిమీ వీల్బేస్ను కలిగి ఉంటుంది. ఇది నేలపై నుంచి 211 మిమీ ఎత్తులో ఉండి మంచి గ్రౌండ్ క్లియరెన్స్ ఆఫర్ చేస్తుంది. దీని బూట్ సామర్థ్యం 392 లీటర్లుగా ఉంటుంది.
కియా మోటార్స్ తమ సోనెట్ మోడల్ను మొత్తం 8 రంగులలో అందిస్తుంది. ఇందులో బీజ్ గోల్డ్, ఇంటెలిజెన్సీ బ్లూ, అరోరా బ్లాక్ పెరల్, గ్లాసీయర్ వైట్ పెరల్, గ్రావిటీ గ్రే, ఇంటెన్స్ రెడ్, స్టీల్ సిల్వర్ మరియు క్లియర్ వైట్ కలర్ ఆప్షన్లు ఉన్నాయి.
ఇందులో కొత్తగా ఆరెంజ్ పెయింట్ స్కీమ్ను కూడా ఆఫర్ చేయనున్నారు. అయితే, ఇది టాప్-ఎండ్ వేరియంట్లలో మాత్రమే లభ్యం కానుంది. ఆసక్తికరమైన విషయం ఏంటంటే, సోనెట్ కూడా సెల్టోస్ మాదిరిగానే డ్యూయెల్-టోన్ పెయింట్ ఆప్షన్లలో లభ్యం కానుంది. ఇది మిడ్-స్పెక్స్ వేరియంట్లలో కూడా లభిస్తుంది.
MOST READ:దేశంలో ఎక్కువ కాలం నడుస్తున్న గ్రీన్ఫీల్డ్ ఎక్స్ప్రెస్వే, ఇదే
కియా సోనెట్ వేరియంట్స్ విషయానికి వస్తే, ఇది జిటి లైన్ మరియు టెక్ లైన్ వేరియంట్లలో అందించబడుతుంది. ఏదేమైనప్పటికీ, రెండు వేరియంట్లు కూడా సబ్-వేరియంట్లను కలిగి ఉంటాయి. హెచ్టిఎక్స్+ మరియు జిటిఎక్స్+ టాప్ సబ్-వేరియంట్లుగా ఉంటాయి మరియు ఇవి రెండూ టాప్-ఎండ్ పెట్రోల్ మరియు డీజిల్ ఇంజన్లతో అందించబడుతాయి.
సోనెట్ కారులో 10.25 ఇంచ్ టచ్స్క్రీన్ ఇన్ఫోటైన్మెంట్ సిస్టమ్, ప్రపంచంలో మొట్టమొదటి వైరస్ ప్రొటెక్షన్ స్మార్ట్ ఎయిర్ ప్యూరిఫైయర్, బోస్ ప్రీమియం ఆడియో సిస్టమ్ మరియు ఫ్రంట్ పార్కింగ్ సెన్సార్లతో సహా అనేక సెగ్మెంట్-ఫస్ట్ ఫీచర్లను ఇందులో ఆఫర్ చేయనున్నారు.
కియా సోనెట్ కాంపాక్ట్ ఎస్యూవీ వేరియంట్స్, డిటేల్స్ లీక్పై డ్రైవ్స్పార్క్ అభిప్రాయం.
కియా మోటార్స్ అందిస్తున్న సెల్టోస్ మిడ్-సైజ్ ఎస్యూవీ మాదిరిగానే కియా సోనెట్ కాంపాక్ట్ ఎస్యూవీ కూడా భారతీయ మార్కెట్లో విడుదలైన తర్వాత అనేక ఇంజన్, ట్రాన్స్మిషన్ మరియు కలర్ ఆప్షన్స్లతో లభ్యం కానుంది. ఈ ఆప్షన్లు కంపెనీ అందించే అనేక రకాల వేరియంట్లలో ధరకు తగినట్లుగా ఫీచర్స్ ప్యాక్ చేయబడి ఉంటాయి. కస్టమర్ల అవసరాలకు అనుగుణంగా ఎంచుకునేందుకు ఇందులో బహుళ వేరియంట్స్ అందుబాటులో ఉండనున్నాయి.