ల్యాండ్ రోవర్ డిఫెండర్ హార్డ్‌టాప్ కమర్షియల్ మోడల్ ఖరారు - వివరాలు

సరికొత్త ల్యాండ్ రోవర్ డిఫెండర్ హార్డ్ టాప్‌ను బ్రాండ్ యొక్క రగ్గడ్ 4x4 సిరీస్‌లో భాగంగా తయారు చేయనున్నారు మరియు ఇది వాణిజ్య ప్రయోజనాల కోసం ఉపయోగించబడుతుంది. డిఫెండర్ 90 మరియు 110 హార్డ్ టాప్ మోడల్స్‌ను కొనుగోలు చేయబోయే కస్టమర్లు 21వ టెక్నాలజీ కనెక్టివిటీ కలయికను పొందనున్నారు. ఇది బ్రాండ్ యొక్క అత్యుత్తమ ఆఫ్-రోడ్ సామర్థ్యాలతో పాటు, విశాలమైన కార్గో స్థలాన్ని కలిగి ఉండి ప్రాక్టికాలిటీ దగ్గరా ఉంటుంది మరియు ప్రీమియం సౌకర్యాన్ని అందిస్తుంది.

ల్యాండ్ రోవర్ డిఫెండర్ హార్డ్ టాప్ మోడళ్లను బ్రాండ్ యొక్క స్పెషల్ వెహికల్ ఆపరేషన్స్ (ఎస్‌విఓ) అభివృద్ధి చేస్తోంది. ఫలితంగా ఈ హార్డ్ టాప్ మోడళ్లు అత్యుతత్తమ ధృడత్వాన్ని, మన్నికను మరియు ప్రాక్టికాలిటీని ఆఫర్ చేయనున్నాయి. అల్యూమినియం D7x బాడీ ఆర్కిటెక్చర్‌తో రూపుదిద్దుకున్న ఈ డిఫెండర్ వాహనాలు ఇతర బాడీ-ఆన్-ఫ్రేమ్ డిజైన్ కంటే మూడు రెట్లు గట్టిగా ఉంటుందని కంపెనీ పేర్కొంది.

MOST READ: భారత్ & చైనా వివాదం : ఆలస్యమైన హైమా బర్డ్ ఎలక్ట్రిక్ వెహికల్ లాంచ్

ఈ విషయంపై ల్యాండ్ రోవర్ స్పెషల్ వెహికల్ ఆపరేషన్స్ మేనేజింగ్ డైరెక్టర్ మైఖేల్ వాన్ డెర్ సాండే మాట్లాడుతూ: "కొత్త డిఫెండర్ కార్గో ఏరియాను గరిష్ట ఫంక్షనాలిటీ, యూజబిలిటీతో అభివృద్ధి చేశాము. కఠినమైన పదార్థాలు మరియు తెలివైన స్టోరేజ్ పరిష్కారాలతో ఇది మునుపటి డిఫెండర్ హార్డ్ టాప్ మోడళ్ల కన్నా మరింత మెరుగైన సామర్థ్యాన్ని అందిస్తుంద"ని అన్నారు.

ల్యాండ్ రోవర్ వెహికల్ లైన్ డైరెక్టర్ నిక్ కాలిన్స్ మాట్లాడుతూ.. "కొత్త డిఫెండర్ 90 మరియు 110 హార్డ్ టాప్ మేము ఇప్పటివరకు ఉత్పత్తి చేసిన కష్టతరమైన, అత్యంత సమర్థవంతమైన మరియు అత్యంత అనుసంధానించబడిన వాణిజ్య 4x4 వాహనాలు. ఇవి ప్రపంచ భద్రతా ప్రమాణాలకు అనుగుణంగా, సుదీర్ఘ ప్రయాణాల్లో సైతం సౌకర్యంగా ఉండేలా, వ్యాపారాలు మరియు నిపుణులకు అన్ని ప్రపంచాలలో ఉత్తమమైన వాటిని అందించేలా ఇంజనీరింగ్ చేయబడ్డాయ"ని అన్నారు.

MOST READ: విధి నిర్వహణలో ఉన్న పోలీసును తన్నిన మాజీ MP, ఎవరో తెలుసా ?

ల్యాండ్ రోవర్ డిఫెండర్ హార్డ్ టాప్ మోడల్స్ కూడా 3,500 కిలోగ్రాముల పేలోడ్‌ను తీసుకొని వెళ్లగల సామర్థ్యాన్ని కలిగి ఉంటాయి. ఈ హార్డ్ టాప్ మోడళ్లలో రెండవ, మూడవ వరుస సీటింగ్ లేకుండా వస్తాయి. వీటిని ముందు వరుసలో జంప్ సీట్లతో ఆఫర్ చేస్తారు, ఫలితంగా ముందు వరుసలో ముగ్గురు ప్రయాణీకులకు సౌకర్యవంతంగా కూర్చునే అవకాశం ఉంటుంది.

ఈ మార్పులు చేర్పులతో పాటుగా కొత్త ల్యాండ్ రోవర్ డిఫెండర్ హార్డ్ టాప్ మోడళ్లు పలు అధునాతన సాంకేతిక ఫీచర్లు మరియు డ్రైవింగ్ అసిస్టెన్స్ ప్రోగ్రామ్స్‌తో రానున్నాయి.

MOST READ: కెజిఎఫ్ స్టార్ యష్ లగ్జరీ కార్లు, ఎలా ఉన్నాయో చూసారా ?

‘హార్డ్ టాప్' మోనికర్ అసలు మోడళ్లను మొదటిసారిగా 1950 కాలంలో ప్రవేశపెట్టారు, వాటి నుండి స్పూర్తి పొంది ఈ మోడళ్లకు ఆ పేరును పెట్టారు. అప్పట్లోని ల్యాండ్ రోవర్ ఎస్‌యూవీలు డీమౌంటబుల్ హార్డ్ టాప్స్‌తో అందుబాటులో ఉండేవి. ఇది ప్రయాణీకులకు అదనపు భద్రత మరియు చుట్టుపక్కల అంశాల నుండి రక్షణ కల్పించేది. కాగా, ఇప్పుడొచ్చిన కొత్త-తరం హార్డ్ టాప్ మోడల్స్ స్థిరమైన మెటల్ పైకప్పుతో వచ్చినప్పటికీ, మునుపటి తరం మోడళ్ల మాదిరిగానే ప్రయాణీకులకు పూర్తి భద్రను అందించనున్నాయి.

ల్యాండ్ రోవర్ డిఫెండర్ హార్డ్ టాప్ మోడళ్లపై డ్రైవ్‌స్పార్క్ అభిప్రాయం.

ల్యాండ్ రోవర్ మొట్టమొదటిసారిగా తమ ఐకానిక్ డిఫెండర్ ఎస్‌యూవీని గత ఏడాది సెప్టెంబర్‌లో ప్రవేశపెట్టింది. ఈ శ్రేణిలోని 90 మరియు 110 మోడళ్లకు భారత మార్కెట్‌తో సహా ప్రపంచవ్యాప్తంగా చాలా మంచి ఆదరణ లభించింది. ఇప్పుడు, డిఫెండర్ శ్రేణిలో ‘హార్డ్ టాప్' వాణిజ్య నమూనాలను చేర్చడంతో ఈ శ్రేణి త్వరలోనే మరింత విస్తరించనట్లు అవుతుంది.