సోషల్ డిస్టెన్సింగ్ ఎఫెక్ట్: ఇన్-యాప్ టిప్పింగ్ ఫీచర్‌ను పరిచయం చేసిన ఓలా క్యాబ్స్

ఓలా పరిచయం చేసిన కొత్త ఇన్-యాప్ ‘టిప్పింగ్' ఫీచర్‌తో ఇప్పుడు కస్టమర్లు సోషల్ డిస్టెన్స్ పాటిస్తూనే, వారి డ్రైవర్ నిబద్ధతకు ప్రశంసల చిహ్నంగా టిప్‌లను మొబైల్‌లో చేర్చవచ్చు. భారతదేశంతో పాటు, ఆస్ట్రేలియా, న్యూజిలాండ్ మరియు యునైటెడ్ కింగ్‌డమ్‌లో కూడా ఓలా ఈ కొత్త ఫీచర్‌ను విడుదల చేసింది.

ఈ నగదు రహిత టిప్పింగ్ ఫీచర్, పేమెంట్ చేసే చివరి దశలో కనిపిస్తుంది. రైడ్ కోసం డ్రైవర్లకు టిప్ చేయడానికి ముందుగానే నిర్దేశించిన ఓ స్థిరమైన మొత్తాన్ని లేదా తమకు తోచిన మ మొత్తాన్ని ఎంచుకునే వెసలుబాటు ఉంటుంది. ఈ టిప్ నేరుగా డ్రైవర్‌కే చేరుతుంది, ఓలాకు ఈ టిప్‌తో సంబంధం ఉండదు. ఫలితంగా ఇది ఈ డ్రైవర్లకు అధిక సంపాదన సామర్థ్యానికి సహకరిస్తుంది. ఈ ఫీచర్ అన్ని రకాల రైడ్‌లకు వర్తించేలా రూపొందించబడింది. ప్రస్తుతం ఓలా ప్రపంచవ్యాప్తంగా 2.5 మిలియన్లకు పైగా డ్రైవర్-భాగస్వాములను కలిగి ఉంది.

MOST READ: ఒక్కసారిగా 1000 కి పైగా ఫోర్స్ అంబులెన్సులు ప్రారంభించిన ఆంధ్రప్రదేశ్ ప్రభుత్వం

మరోవైపు, ఓలా ‘#SayThanksWithATip' అనే ఓ సోషల్ మీడియా క్యాంపైన్‌ని కూడా ప్రారంభించింది. కస్టమర్ల ప్రయాణాన్ని మరింత అద్భుతంగా మార్చే డ్రైవర్లను గుర్తించి, వారికి ఎంతో కొంత బహుమతి ఇవ్వాలనే లక్ష్యంతో ఈ క్యాంపైన్‌ను స్టార్ట్ చేసినట్లు కంపెనీ పేర్కొంది.

ఈ విషయంపై ఓలా ప్రతినిధి ఆనంద్ సుబ్రమణియన్ మాట్లాడుతూ, "మహమ్మారి ప్రారంభమైనప్పటి నుండి, మా డ్రైవర్-భాగస్వాములు తమ సొంత సవాళ్లను ఎదుర్కొంటున్నప్పటికీ, అవసరమైన వారందరికీ అవసరమైన ప్రయాణాన్ని అందించడానికి అవిశ్రాంతంగా కృషి చేస్తున్నారు. సేవలు తిరిగి ప్రారంభమైనప్పుడు, వారు వ్యక్తిగతంగా పెట్టుబడులు పెట్టడం కొనసాగిస్తున్నారు. కస్టమర్ల భద్రత మరియు సౌకర్యవంతమైన రైడ్ అనుభవాన్ని అందిస్తున్నారు".

MOST READ: దయనీయ స్థితిలో ఉన్న రాష్ట్రపతి అంబులెన్స్

"అధిక-నాణ్యత కలిగిన సేవలకు రివార్డులను అనుసంధానించడం, ఈ కష్ట సమయాల్లో మా ప్రశంసలను పంచుకోవడంలో మరియు వారికి మద్దతు ఇవ్వడంలో మాతో చేతులు కలపాలని మేము మా వినియోగదారులను ఆహ్వానిస్తున్నాము. ఈ కొత్త కార్యాచరణ ద్వారా డ్రైవర్లకు వారి ఆదాయాలను పెంచే అవకాశాన్ని కల్పించడమే కాకుండా, వారి పట్ల ఎంతో కొంత సంఘీభావం తెలియజేసినట్లు అవుతుంది. ఇది కస్టమర్లకు మా డ్రైవర్లు మరింత ప్రత్యేకమైన శ్రద్ధతో సేవలను అందించేలా ప్రేరేపిస్తుందని" అన్నారు.

ఓలా ఇన్-యాప్ టిప్పింగ్ ఫీచర్‌పై డ్రైవ్‌స్పార్క్ అభిప్రాయం.

ప్రస్తుత కోవిడ్-19 పరిస్థితుల్లో కాంటాక్ట్‌లెస్ లావాదేవీలను నిర్వహించడానికి ఈ ఫీచర్ చక్కగా ఉపయోగపడుతుంది. అంతేకాకుండా, డ్రైవర్ పనితీరును మెచ్చుకొని కస్టమర్లు అందించే టిప్స్ అన్నీ కూడా నేరుగా డ్రైవర్లకే చేరుతాయి.